هلمند ده کی حربی عملیاتده بامب کارخانه سی تاپیلدی

هلمند ده کی برتانیا لیک کوچلر
Image caption هلمند ده کی بریتانیالیک حربیلر قاره شهزاده حربی عملیاتی نینگ موفقیتلی بولگنلیگینی ائیتماقده

بریتانیا لیک کوچلر ممکلت جنوبیده طالباننی ، اساسی تینچ نقطه لریدن چیقاریش اوچون یولگه قویگن عملیاتیده ،موفقیتگه ایریشه یاتکن لیگی ائیتیلماقده .

بریتانیا مدافعه وزیر لیگی نینگ خبر قیلیشیچه اوشبو عملیات جریانیده بریتانیا لیک کوچلر ، قول بامبلری ایشلب چیقاریش اوچون فایده له نه دیگن اسکنه لر ذخیر ه سینی تاپیشگن.

تور شهزاده یا قاره شهزاده ناملی حربی عملیات کونی کیچه ایرته تانگده هلمند ولایتیده باشلنگن. بریتانیا لیک کوچلر هلمند مرکزی یقینده کی سید اباد تومنیگه آلغه باره یاتکنده پارتلاوچی ماده لر ذخیره گاه سینی تاپیشگه موفق بولگن.

ذخیره گاه جایلشگن بامب تیارلش کارخانه سی یقینده پارتلش روی بیرگنی ارتیدن تاپیلگن.

عصیانچیلر نینگ اوشبو منطقه دن توریب بامب تیارلب، هجوملر نی ریجه لشتیریشلری ایئتیله دی.

اوشبو عملیاتده یوزلب بریتانیالیک و افغان کوچلری اشتراک قیلیشماقده .

بریتاینا لیک کوچلر نینگ قور باشچیلریدن ، سیمون ریدگوی نینگ ائیتیشیچه ،آلدین نظارتسیز بولگن منطقه نینگ نظارتینی قولگه کیریتیشگه موفق بولگن لر .

اوشبو عملایتده یوزلب بریتانیا لیک و افغانستانلیک کوچلر و تیک اوچرلر و اوروش اوچاقلری هم اشتراک ایتماقده .

سید آباد منطقه سی ، شو ییل نینگ باشیده هلمند ولایتیده یولگه قوییلگن مشترک حربی عملیاتی جریانیده بریتاینا لیک کوچلری طالبان قالدیقلریدن تازه لشگه موفق بولمه گن حدود لردن بیری دیر.

جنرال ریدگوی نینگ بی بی سی گه ایئتیشیچه ، منطقه نظارتینی قولگه آلیش بیلن ،اولر منطقه اهالیسینی توشینیشگه حرکت قیلماقده لر

اونگه کوره ، حربی عملیات جریانیده اینگیل قوراللردن ایریم آتیشمه لر بولگن لیکن ، حربیلر نی خواطر گه ساله دیگن ییریک بیر هجوم گه دوچ کیلمه گنلر.

مخبرلرگه کوره ، سید اباد منطقه سی ، طالبلر تمانیدن بامب لر تیار لنه دیگن ، هجوم لر ریجه لشتیریله دیگن و طالبان یره دارلری معالجه بوله دیگن بولگه لردن ایدی.

بریتانیا لیک حربیلر ایسه ، هلمند ولایتینی ترک ایتشدن آلدین ، بولگه لر نی طالبلردن تازه لشگه حرکت قیلماقده .

اولر گه کوره ایندی اوشبو کوچلر اساسی اعتبارینی ، محلی خلقنی ، طالبلردن یوز اوگیریشگه اونده ش و کوپراق ،محلی حاکمیت ، ملی اردو و ملی افغان پلیسینی کوچه یتیریشگه قرتماقچیلر.

بریتانیالیک کوچلر گه کوره ، طالبلر ممکلت نینگ تورلی حدود لریده ، خلقنی قورقیتیش بیلن ، اولر گه اوز تاثیرینی قالدیره دی . و خلق نی بو تاثیر اآتیدن چیقاریش هم هلمند ده کی و هم باشقه حدود لرده کی ایساف کوچلری اوچون اساسی معما لردن بیری دیر.

هر چند قاره شهزاده عملیاتی بوندن الدین هلمند ولایتیده یولگه قوییلگن حربی عملیاتلردن کولمی انچه کیچیکدیر. لیکن کورینیشیچه ، بوندن الدین ییل باشیده یولگه قوییلگن مشترک حربی عملیات نینگ غایه لرینی عملگه اشیره دی.

سید آباد و اطرافیده کی منطقه لرده کی یشاوچی اهالی ، اوشبو ینگی حربی عملیاتنی آلقیشله گن . چونکه اوشبو خلق ، خوفسیز یشش ، ایشلرینی باشلش و کیزیشلری اوچون عصیانچیلرنینگ منطقه لریدن چیقیب کیتیشینی ایسته شه دیلر .