ناتو هوا هجومیده عادی اهالی هلاک بولگن

ننگرهار
Image caption ننگرهار ولایتی نینگ ایریم حدود لری یقینده سو تشاقینیدن هم زیان کورگن ایدی

ناتو هوا هجومیده افغانستان جنوبیده کمیده 12 کیشی نینگ اولگن لیگی ایئتیلگن.

اوشبو حادثه ناتو نینگ افغانستانده کی باش قوماندانی نینگ اوز کوچلریگه عادی اهالی تلفاتینینگ آلدنی آلیشلرینی سوره گنیدن بیرنیچه ساعت گینه اوتیشیدن کیین روی بیرگن.

ناتو رهبریتیده کی کوچلر افغانستان شرقیده کی ننگرهار ولایتیده ، انسان لر اولیمیگه افسوسلنه یاتکن لیگنی بیلدیرگن .

ناتو ننیگ ائیتیشیچه اولر ، جمهور رئیس کرزی تمانیدن بویوریلگن تیکشیروولر بیلن شغللنماقده لر .

ناتو کوچلری نینگ عمومی باش قوماندانی جنرال دیوید پیترویوس چهار شنبه کونی ، اوز کوچلریگه اوروش اوچون یوروق کورستکیچی ترقه تیب ، عادی اهالی تلفاتیدن واز کیچیشنی تاکید له گن ایدی.

"هر بیر افغان تینچ انسان نینگ اولیمی بیز نینگ مقصدلریمیز گه زیان ایتکیزه دی " دیب یازگن ایدی اوز یوروقنامه سیده جنرال پیترویوس.

"سیل قربانلرینینگ جنازه سی "

ننگر هار ولایتی خوگیانی تونمنی نینگ حاکمی محمد حسن نینگ خبر آژآنسلریگه ایئتیشیچه 12-14 نفرگه چه بیر حادثه ده هلاک بولگن.

اونینگ ائیتیشیچه ، قشلاق اهالیسی سو تاشقینلریده قربان بولگن لر نینگ جسد لرینی دفن اوچون اوز قشلاقلریگه الیب باره یاتکن پیتده ناتو کوچلری تمانیدن هوا هجومیگه توتیلگن.

خوگیانی اهالیسی ایسه 14 کیشین نیگ هلاک بولگن لیگنی و یینه اوچ کیشی یره لنگن.

اولرگه کوره ، قربانلر جسدلرینی آلیب باره یاتکن یولاوچیلر موتری ، یولده سو سطحی کوتریلگنلیگی باعث توخته شی بیلن هوادن هجومگه توتیلگن.

Image caption جنرال پیترویوس : بیر نفر عادی افغاننینگ اولیمی بیز نینگ مقصدیمیزگه زیان ایتکیزه دی

افغانستان جمهور رئیسی نینگ اداره سی ، جناب کرزی نینگ اوشبو حادثه گه ایچینگنلیگنی ایئییب ، حادثه بوییچه زودلیکبیلن جدی تحقیقات الیب باریشیگه بویورق بیرگن لیگنی معلوم قیلگن.

آیساف کوچلری ، افغانستان ملی اردو سی بیلن بیرگه لیک قوشمه حربی عملیاتلرینی ننگرهار ولایتی نینگ بیر نیچه بولگه سیده یولگه قویگن لیگنی ایئتیب لیکن بو جمله دن خوگیانی تومنیگه قوشنی بولگن شیرزاد دن نام توتگن.

آیاسف کوچلریگه کوره ، اولر قیدیرو آلیب باره یاتکن پیتده ف طالبان قرارگاه لرینینگ بیریده ، هجوم گه دوچ کیلگن لر و روی بیگرن آتشمه نتیجه سیده بیر نیچه کیشی عصیانچی هلاک بولگن.

شو ننیگ دیک ناتو کوچلری منطقه نی ترک ایته یاتکنده ینگی هجوم لر بیلن دوچ کیلیشگن و " هوا کوچلری ، اولرنی حمایه ایتدی " دیب معلوم قیلگن آیساف کوچلری نینگ سوزچیسی.

جهاد آوازی ناملی طالبان گه قرشلی وبصحیفه ده یازیلیشیچه ، محلی وقت بلین پنجنبه کونی (5 اینچی اوگوست ) ساعت 1:30 کیچه یریمیده امریکا هوا کوچلری خوگیانی تومنیگه قرشی هجوم اویشتیرگن و نتیجه ده 8 کیشی طالبان هلاک بولگن.

طالبان منبع سینینگ بیلدیریشیچه ، اوروش جریانیده روی بیرکن هجوم هجومیده 7 نفر عادی اهالی هلاک بولگن و یینه 10 نفر عادی اهالی "شهیدلر جسدلرینی آلیب چیقه یاتکنده" هوا هجومیگه توتتیلیب هلاک ایتیلگن.

"اوروش یوریقنامه سی "

اوشبو حادثه دن آلدینلرراق افغانستانده کی ناتو و امرکیا لیک کوچلر نینگ عمومی قوماندانی ژنرال دیوید پترویوس اوز کوچلری اوچون اوروش یوریق کورستکیچی چیقاریب، عادی اهالی تلفاتینی آلدینی الیشگه جدی اعتبار قره تیشلرینی تاکید له گن ایدی.

ژنرال پترویوس ،امرکیا و ناتو کوچلری نینگ سابق قوماندانی جنرال استانلی مک کرستال نینپگ یوریغیگه تاکید له گن.

چنرال پیترویوس بوندن الدین هم ، عادی اهالی تلفاتینی آلدینی آلیش بوییچه وعده لر بیریب کیلینگن ایدی.

اونگه کوره افغانلر کونگلینی قازانمسدن ، افغانستانده غلبه قازانیش ممکن ایمس.

افغانستانده کی عادی اهالی تلفاتی ناتو ماموریتیده کی اینگ دالضرب موضوع لردن بری سنه له دی. و کوپ گینه حالتلرده افغانستان دولتی و چیت ایللیک کوچلر اره لریده کی رابطه نینگ ترنگلشیشیگه هم سبب بولگن و شو نینگ دیک ممکلت نینگ تورلی حدود لریده اهالی اره سیده ناراضلیکللریگه هم باعث بولگن.