قندوزده اوچ تاجیکستانلیک عصیانچی قولگه آلنگن

Image caption بو شخص لر قندوز ولایتی نینگ خان آباد ولسوالیگده محلی طالب لر بیلن بیرگه فعالیت آلیب باره یاتگان بولیشگن.

افغانستان شمالیده گی رسمی لرگه کوره کندوز ولایتده اوچ نفر تاجیکستان لیک عصیانکار حبس گه آلینگن.

قندوز ولایتی نینگ امنیت امری عبدالرحمن آقتاش گه کوره، قولگه آلنیگن اوچ کیشی تاجکستان لیک، طاهر یولداش گروهی اعضالریدن ایکن لیگی گه اعتراف ایتشگن.

آقتاش جنابلریگه کوره، بو شخص لر قندوز ولایتی نینگ خان آباد ولسوالیگده محلی طالب لر بیلن بیرگه فعالیت آلیب باره یاتگان بولیشگن.

عبدالرحمن اقتاش نی ایشتچه، قولگه الینگن اوچ کیشی تاجکستانلیک ، پاکستان نینگ قبیله لر یشه یاتگان حدودیده گی دینی مدرسه لرده تعلیم کوریشگن.

قندوز ولایتی نینگ امنیت امریگه گوره، افغانستان شمالیده گی قندوز ولایتده 40 کیشی گه یقین خارجی جنگره لر فعالیت الیب باره یاتگان بولیشی ممکن اولرنی آره سیده طاهر یولداش باشچیلیغده گی اوزبیکستان اسلامی حرکتی اعضالری هم بار .

قندوز ولایتی نینگ پولیسپگه کوره، قولگه آلینگن خارجی جنگره لر یانیدن بیرنیچه میل تورلی خیل ینگیل قوراللر هم آلینگن.

شونینگ دیک بو جنگره لر قندوز ولایتده ، افغانستان خوف سیزلیک کوچلریگه قرشی هجوم اویشتریشد ه عیب لنماقته.

عینی دمده افغانستان شمالیده گی قندوز ولایتده بوندن بیرنیچه آی الد ین ناتو نینگ هوایی هجوملریده قربان بولگن عادی اهالی یقین لری، قربان لر عایله لر یگه حاضرگه چه هیچ قندی یاردم یتکزلمه گن لیگی نی دعوا ایتماقته.

قربان لر عایله لریگه کوره، هلاک بولگن و یره لنگن انسان لر کم بغل عایله لر اعضاسی ایکن لیگی اوچون هم اولرنی انسان پرورلیک یاردم لرگه احتیاجلری بار.

المان حکومتی ایسه قندوزده گی هوایی هجومده قربان بولگن انسانلرنی هر بیری اوچون اولرنینگ عایله لرگه 5 مینگ امریکا دالریدن ارتیق راق مبلغ تاوان پولی تولش لرینی ایتگن. اما قربان لر عایله لر ایسه بو مقدار مبلغ آز ایکن لیگی نی تاکیدلشماقته.