خلق ارا یاردم تشکیلات خادملری نینگ اولدیریلیشیگه مناسبتلر

یاردم خادملری  نینگ جسدلری
Image caption هلاک ایتیلگن یاردم خادملرینینگ جسدلری پایتخت کابلگه کیلتیریلگن و کیین اوز ممکلتلریگه جونه تیله دی

اوتکن پنجشنبه کونی اون نفر خادم لری افغانستان شمال شرقیده کی بدخشان ولایتیده هلاک بولگن( ای اه ام ) تشکیلاتی ،روی بیرگن حادثه گه قره مسدن اوز فعالیتلرینی افغانستانده دوام بیریشی نی معلوم قیلگن.

تشکیلات نینگ افغانستانده کی رهبری دیرک فرانس کابلده اواتکزگن مطبوعات یغینیده ، اوشبو هجوملر آرتیده طالبان بولگن دیگن ، خبر نی تصدیقله مه گن. اونگه کوره محلی پلیس ، باشقه جنایتچی گروه لر بارلیگنی ائیتگن و حاضرگه چه کیم بولگنلیگی انیق ایمس.

اوتکن جمعه کونی 8 نفر چیت ایللیک و ایککی افغان طبیات خادملری نینگ جسدلری مملکت شمال شرقیده کی بخشان ولایتیدن تاپیلگن ایدی.

خارجی لر نینگ 6 نفری امریکا لیک ، بیری آلمان و بیر نفری هم بریتانیا لیک بولگن. اولر افغانستانده کوز کسلیکلرینی دوا لاوچی (آی اه ام) خلق ارا تشکیلاتی نینگ خادم لری بولگن.

یاردم خادملرنینگ جسد لری پایتخت کابلگه کیلتیریلگن و جسد لرنینگ اوز ممکلت لریگهیوباریلیشی معلوم قیلینگن. لیکن شو جمله دن گروه رهبری شفاکار تام لیتل نینگ جسدی کابلده دفن ایتیلیشی معلوم قیلینگن.

پلیس گه کوره ،حادثه دن تیریک قالگن اولر نینگ افغانستان لیک هیداوچیلری قوراللیلرگه یاردم بیریش عیببی بیلن حاضر قماققه آلینگن.

افغانستان دولتی ، اوشبو یاردم تشکیلات خادملری نینگ سونگی سفرلری حقیده ، پلیس گه معلومات بیرمه گن لیکلر بیلدیرگن. ایچکی ایشلر وزیر لیگی نینگ جنایی تیکشیروو لر آمری جنرال میرزا محمد زیار مل نینگ ایئتیشیچه ،هجومچیلر اوشبو یاردم خا دملرینی نورستان ولایتیدن ایزلریدن توشیب کیلگن

Image caption خانم کلینتون یاردم خادملرین ینگ الدیریلیشینی قاره له دی

خلق ارا مناسبتلر

اوشبو یاردم خادم لری ننیگ اولدیریلیشی خلق ارا مقیاسده هم قا ره لنگن.

امریکا دولت کاتبه سی هیلری کلینتون ، اوشبو یادم خادم لری نینگ اولدیریلیشینی قاره لب او نی ،جسور و سخی انسانلر گه قرشی " معنی سیز بیر عمل " دیب بهاله پگن.

امریکا ننیگ کا بلده کی ایلچی سی کارل ایکنبیری اوشبو عمل ننیگ طالبلن ننیگ اوز خلقی حقیده هم قیغورمسلیکلرینی کورستدی دیب ایئتکن.

جناب ایکن بیری گه کوره ، اوشبو اولدیریلگن خادملر ، اینگ فداکار انسانلر بولیب اوز حیاتلرینی ، افغانستان نینگ اینگ آلس حدودلریگه باریب اینگ احتیاجمند اهالیگه اینگ کیرکلی بولگن یاردم لرنی ایتکیزیشده بغشله گن ایدیلر.

"بولر نینگ الدیریلیشی ، طالبان و تروریستلر نی ، افغانستان خلقی نینگ حیات لری ، ساغلیک لری، تینچیلیکلری و فرصت لری اوچون زره چه هم قیغورمه یاتکنلیکلرینی کورسته دی" دیب ائیتکن جنرال کارل ایکن بیری

افغانستانلیک سیاستچیلر نینگ مناسبتی

Image caption دکتور عبد الله یاردم تشکیلات خادملرینی اینگ آلس حدودلرده اینگ احتیاجمند لرگه یاردم ایتکیزوچی خالص انسانلر دیب تعریف له گن

افغانستان دولت رسمیلری و سیاستچیلر هم ، ممکلت شمال شرقیده کی بدخشان ولایتیده هلاک ایتیلگن یاردم خا دملریگه حرمت بجا کیتیرگنلر .

سابق جمهور رئیسلیک نامزادی ، داکتر عبد الله عبد الله ، طبیات خادم لرینینگ هلاک ایتیلیشینی قاره لب چیققن.

اصلیده کوز شفاکاری بولگن جناب عبد الله اوشبو گروه نینگ باشلیغی بولگن کوز شفاکاری تام لیتل یانیده تجربه اورگن گن لیگنی معلوم قیلگن. اونینگ ایئتیشیچه دکتور لیتل نینگ بوند ه ی شفقتسیز شکلده هلاک ایتیلیشیدن راسه ایچینگن و قیغوده. تام لیتل 1970 اینچی ییلدن بیری افغانستان ده فعالیت آلیب بارگن

جناب عبد الله بی بی سی بیلن صحبتده ، هلاک ایتیلگن یاردم خادم لرینی افغانستان ده کی احتیاج مند انسان لر گه یاردم ایتکیزیشگه بیل باغله گن فدا کار شخصلر دیب تعریف له گن .

بوندن آلدین طالبان سوز چیسی اولدیریلگن یاردم خادملرینی مسحی دینی نی تبلیغ قیلوچی مبلغلر و الور نینگ یانلریدن انجیل نینگ دری تیلیده کی ترجمه سی تاپیلگن لیگینی دعوا قیلگن ایدی. اما دکتور عبد الله اوشبو ادعا لر نی رد ایتیب اولر نی خالص انسان پرور یاردم خادم لری ایکن لیکلرینی تاکید لشگن.

"نیدن طالبلر مسجد لرده بامب جایلشتیره دیلر. ؟ اولر اوز تبلیغاتلری اوچو ن بیر بهانه تاپگنلر. اولر بو جنایتنی بجرگن لر و ایندی جنایت رینی یشیرماقچی بوله دیلر . افغانستان خلقی طالبلر نینگ ادعا لریگه قوشیلمیدی. افغانستان خلقی هیچ قچان بو یاردم خادملری نینگ طالبلر ایئتکندیک بولگن لیگی گه ایشانمیدیلر" دیب ایئتکن داکتر عبد الله عبد الله

افغانستان شمال شرقیده جایلشگن بدخشان ولایتیده ممکلت ده کی اینگ تینچ حدود لر نینگ بیری بولیب کیلگن ایدی. حتی کی 2001 نیچی ییلیدن الدین هم طالبان اوشبو ولایتنی الیشگه موفق بوله المه گن ایدی.

آی آه ام تشکیلاتی نینگ کوز شفاکار لر گروهی اوتکن ایکی ییریم هفته دن بیری محلی اهالی چیقیریغیگه بناءً قوشنی تورستان ولایتیده ایشله گن ایدی.

خیریه تشکیلات نینگ بیلدیریشیچه شفاکار لر ، اینگ تینچ و خوفسیز یول اولراق بدخشان ارقه لی کابلگه کیلماقچی بولگن لر .

تشکیلات گه کوره ، اوتکن چهارشنبه اقشامیدن اولر بیلن رابطه نی یوقاتگن. اوشندن کیین اولر نینگ موترل رک اروانی هجومگه توتیلگن لیگی ایشانیله دی .