عفو تشکیلاتی،طالبلرنینگ محاکمه بولشینی طلب قیلگن

خلق ارا عفو تشکیلاتی طالب عصیانچیلری نینگ افغانستانده گی اوریش جنایتلریگه عیبلب ،اولرنی محاکمه بولیشینی طلب قیلگن.

عادی اهالی تلفاتی خصوصیده بیرلشگن ملتلر تشکیلاتی تمانیدن چیقاریلگن حسابات آرتیدن اوشبو طلب ایلگری سوریلماقده.

چیقاریلگن حساباتده عصیانچی گروهلر عادی اهالی تلفاتی نینگ 76 فایزگه مسوول دیه کورسه تیلگن ایدی .

خلق ارا عفو تشکیلاتی نینگ آسیا و اقیانوسیه بویچه مسوولی سام ظریفی گه کوره " افغانستان دولتی روم کیلشووگه امضا چیککن ،شو اوچون افغانستان دولتی اوریش جنایتچیلرینی ایزلب و اولرنینگ محاکمه گه تارتیشی کیره ک".

عینی حالده ظریفی جنابلری اوشبو کیلشوو نی امضاله گن هربیردولت ،اوریش جنایتچیلرینی محاکمه قیلیشگه قادر بولمه سه، ( لاهه ) یا خلق ارا جزایی محکمه سیدن یاردم آلیش امکانیتیگه ایگه دیر.

خلق ارا عفو تشکیلاتی نینگ آسیا و اقیانوسیه بویچه مسوولی سام ظریفی افغانستان قضایی اداره سی طالبلر رهبرلری نینگ محاکمه قیلیش کوچیگه ایگه ایمس لیگینی اورغوله لب شوباعث افغانستان دولتی نینگ ( لاهه ) دن یاردم طلب قیلیشینی تاکیدله گن.

ظریفی جنابلرینی ایتیشیچه گوجوم منطقه لرده انتحاری هجوم اویشتریش، عمومی یوللرده ماین ییرلشتریش طلبلر قوراللی لری نینگ اوریش جنایتلریگه قول اوریب کیله یاتگنینی کورستماقده.

شونینگدیک خلق ارا عفو تشکیلاتی نینگ اوشبو مسوولی، طالبلر محکمه سی فرمانی اساسیده بیرقیزنینگ قولاغی کسیلیب، باشقه بیر بیوه عیال نینگ بادغیسده طالبلر تمانیدن اعدام ایتیلگنی، ویاردمچی خارجی لرنینگ بدخشانده اولدریلیشیگه اشاره ایتیب بولرنی همه سی آچیقچه انسان حقلرینی ایاغ استی قیلیش ،عینی حالده اوریش جنایتی دیه اورغوله گن.

خوب شوندی ایکن، افغانستان دولتی طالبلر وعصیانچی گروهلر بیلن مذاکره قیلیش مسله سینی ایلگری سوریب، بیرلشگن ملتلر تشکیلاتی نینگ قره روی خطیده بولگن طالبلر رهبرلرینی اوشبو روی خطدن چیقاریلیشینی طلب ایتیب کیلماقده .

خلق ارا عفو تشکیلات مسووللری طالبلر بیلن مذاکره آلیب باریش اوچون هم خواطرده بولگنینی بیلدرگن. اوشبو تشکیلات مسووللریدن سام ظریفی موجود خواطرلرنی شوندی بیان ایتگن " دولت نینگ طالبلر بیلن مذاکره آلیب باریشگه ایشمیز یوق، لیکن اوشبو مذاکره ده انسان حقلری، عیاللر حق -حقوقلری واقلیتلر حقلری نینگ قربان بولیشدن خواطرده میز، افغانستان دولتی قندی شرطلر بیلن طالبلر گروهی بیلن مذاکره قیله دی. مذاکره جریانی شفاف بولسین" .

انسان حقلریدن مدافعه ایتوچی تشکیلات لر، بوندن آلدین عصیانچی طالب لر نینگ انسان حقلرینی ایاغ استی ایتیب کیله یاتگنیگه عیبلب کیلنگن، اما بیرینچی مرته دیرکه انسان حقلریدن مدافعه ایتوچی خلق ارا بیرتشکیلات طالبلررهبرلری نینگ خلق ارا دایره ده محکمه بولیشینی طلب قیله دی.