امریکا و افغانستان طالبان گه قرشی برجبهه ده

Image caption ایککی رهبر بیر ساعت دوام ایتیگن ویدیو ارقه لی ملاقات ده صحبتلشگن.

افغانستان جمهوررئیسی حامد کرزی امریکا لیک همکسبی بارک اوباما بیلن طالبان گه باسیم قوییشده دوام ایتیشگه کیلیشگنلر.

ایککی رهبر بیر ساعت دوام ایتیگن ویدیو ارقه لی ملاقات ده صحبتلشگن.

اولر قطار موضوع لر جمله دن اداری فساد گه قرشی کوره ش ، تینچ اهالی آره سیده تلفاتلر و منطقوی علاقه لر مسئله سینی مباحثه قیلیشگن.

جمهور رئیس اوباما امریکا افغانستان نینگ برقرار و تینچ ممکلت گه ائیله نیشینی تأمینلش ایشیده قطعی ایکنینی تکرار له گن.

افغانستان ده گی جنگ لرنی 2001 ییلیده باشلنیشی دن حاضرگه قدر ، اوتگن جون آیی امریکا لیک کوچلر اوچون اینگ قانلی آیی لردن بیری حساب لنه دی .

تحلیلچی لرگه کوره افغانستانده تا باره کوپیپ باره یاتگن تلفات لر،غربده افغانستان ماموریتی دن حمایتنی کمی تیرگن.

آق اوی تمانیدن ترقه تیلگن بیاناتده کیلیشچه :"هرایککله رهبر زوروانلیک لرگه قول اوره یاتگن افراطی چیلیککه قرشی کوره شیش،عادی اهالیدن محافظت قیلیش، دولت دارلیک نی رواج لنتریش و اینگ ضروری خذمت لرنی اینقسه محلی سویه لرده ایتکزیشگه قرار قیلگن ."

جناب اوباما عینی دمده افغانستان اهالی سیگه ،مملکتده تینچ لیک و برقرار لیک نی اورنه تیلیشی یولیده ، امریکا نینگ یاردم لرینی ینه بیر بار تاکید له گن .

آق اوی گه کوره بولیب اوتگن ویدیو ملاقاتیده ، کابل ده گی امریکا نینگ ایلچی سی کارل ایکینبیری و اینگ یوقاری مرتبه لی حربی جنرال دوید پیترایوس لر هم قتشگن.

مخبرلرگه کوره حامد کرزی و باراک اوباما آره سیده گی علاقه لر همیشه هم یخشی بولمه گن. اینقسه قلالب لیک لر بیلن توله بولگنی ادعا قیلنگن سیلاو لر آرتیدن حامد کرزی نی قیته جمهور رئیس اولراق تعین ایتلیشی آرتیدن ، بووضعیت ترنگ لشگندی .

هر ایککله رهبر آره سیده وضعیت نی یخشی لشتریش اوچون ، واشینگتن حامد کرزی نی جاری ییل جریانیده گی امریکا سفریده یخشی کوتیب آلدی .

بیراق حامد کرزی غربی قدرت لرنی ینه هم تنقید قیلیشگه دوام ایتماقده .

اوتگن آیی حامد کرزی ، غربی دولت لر پاکستان لیک طالب لرگه قرشی جدی چاره تدبیرلرینی آلمیدی دیب تنقید قیلگندی.

او عینی دمده ویکی لیکس انترنت صحیفه سی آرقه لی امریکا لیک حربی لرنینگ محرم حجت لرینی چاپ ایتلیشی ، امریکا لیک حربی لر بیلن خذمت قیله یاتگن افغان لر حیاتنی خوف آستیده قویشگن دیب خواطر بیلدرگن.