"عسکرلرتعین ایتلگن وقتده افغانستاننی ترک ایته دی"

Image caption عسکرلرنی کمی تیرلیش جریانی آلینگن قرار اساسیده عملگه آشیرله دی .

آمریکا مدافعه وزیرلیگی ،افغانستاندن عسکرلرنی آلدن دن تعین ایتلگن برنامه اساسیده ، 2011 ییلی نینگ جولای آیدن باشله تیلشنی تاکید له گن .

بوندن بیرکون اول افغانستانده گی ناتو و اتفاق کوچلری نینگ باش قوماندانی امریکا لیک عسکر لرنی افغانستاندن کیله سی ییل دن باشلب آرتگه قیته ریش ریجه سیگه تقلب قالمسلیگنی ایتگندی.

جنرال دیوید پترائوس ، آمریکا لیک عسکرلرنی افغانستاندن آلیب چیقیش جریانی بو مملکت ده گی وضعیت وشرایطلر اساسیده عملگه آشیرلیشی کیرک لیگنی ارغوله گن.

بیراق لاس آنجلس تایمز روزنامه سی بیلن قیلگن صحبتده آمریکا مدافعه وزیری رابرت گیتس ، کیلهجک جولای آیدن باشلب امریکا لیک عسکرلرسان نینگ افغانستانده کمی تیرلیشی خصوصیده هیچ قندی شک –شبهه بولمه گنینی معلوم قیلگن.

باراک اوباما نینگ آمریکا لیک عسکرلرنی کیله سی ییل افغانستاندن آلیب چیقیش ریجه سی بیر قطار تنقید لر و خواطرلرگه سبب بولگن.

آمریکا ده گی جمهوریت چی لر ، عسکرلر افغانستان ده گی وضعیت اساسیده چیقارلیشی کیرک لیگنی تاکیدلب کیلگنلر.

مخالفتده بولگن جمهوریتچی لرگه کوره ، عسکرلرنی 2011 ییلیده افغانستان دن آرتگه قیته ریش ریجه سی القاعده و طالبان نینگ کوچلنیشگه سبب بوله دی .

افغانستان جمهوررئیسی حامد کرزی سوزچی سی وحید عمر کابل ده بولیب اوتگن مطبوعات یغینیده ، خارجی کوچ لرنینگ افغانستاندن چیقیب کیتیش جریاننی مملکت ده گی خوف سیزلیک کوچلری نینگ قنچه لیک تیار بولگنیگه باغلی بولیشی کیرک لیگنی ایتگن.

اونگه کوره افغانستان لیک خوف سیزلیک کوچلری ، مملکت خوف سیزلیک مسئولیت لرینی اوز بویون لریگه آلیشگه قادر بولیشلری شرط.