افغانستان شمالیده بیر ایرکک و عیال تاشباران قیلیندی.

کندوز

افغانستان شمال شرقده کی رسمیلر و شاهد لر گه کوره ، کندوز ولایتیده بیر ایرکک وبیر عیال تاش باران قیلیب اولدیریلگن.

طالبان اولرنی سیوگی رابطه ده بولگن لیگده عیبله گن. تاش باران ردشت ارچی تومنیگه تیگیشلی ملا قلی قشلاغیده گی گوجوم بازارلردن بیریده عملگه اشیریلگن.

دشت ارچی تومنی ننیگ حاکمیگه کور ه ، تاش باران ایتیلگنلر عبدالقیوم و صدیقه ناملی شخصلر بولگن.

عبدالقیوم پشتون ملیتی نینگ شیناوری قبیله سیگه تیگیشلی بولگن و صدیقه ایسه ترکمن قومیگه منسوب بولگن.فرانس پریس خبر آژانسیگه کوره عیال 23 یاشیده و ایرکک 28 یاشیده بولگن.

عایله لی ایرکک اونشتیریلگن قیز بیلن سیوگی مناسبتده بولگنلیکده عیبلنگن.

اهالیگه کوره ، عبدالقیوم و صدیقه ، عایله لری خوفیدن پاکستانگه قاچیب کیتگن ایدیلر. اما کیینچه لیک "ملا قلی" قشلاغی نینگ اقساقاللری کینگشی نینگ قراریگه بناء عبدالقیوم صدیقه نینگ آته سیگه بیر میلیون افغانی بیریب ف قیزیب بیلن تورموش قوریش شرطی بیلن اوز قشلاقلریگه قیتیشگه رخصت بیریلگن ایدی.

اوشبو قرارگه تییه نیب عبدالقیوم وصدیقه اوز قشلاقلریگه قیتیشگن.

اما کیلگنلریدن کیین ، محلده کی طالبلر آق ساقالر نینگ قرارلرینی عنابتگه آلمسدن اولرنی تاش باران بولیشلریگه دائر قرار چیقارگن

اولرنی محلی بازارگه آلیب بارییب و اوشه ییرده تاش باران قراری عملگه اشیریلگن.

Image caption تاشباران یوز بیرگن منطقه آلمانلیک عسکرلرنینگ قرارگاه سیدن بیر ساعتلیک یول اوزاقلیکده جایلشگن

حادثه شاهدلریدن بیرینینگ بی بی سی گه : "طالبلر مسجد آواز کوچه یتیرگیچیدن آدملرنی تاش باران مراسمیگه چقیردیلر .اولر عیال گه قاره کیدیرگن ایدلرو ایرککنی میدانده توختب توریشینی ایسته دیلر.بازارده کوپ ادم ییغیلگن ایدی. کیین طالبلر اوزلری تاش آتیشگه باشله دی بیزلر دن هم تاش آتیشنی ایسته دیلر . کیین طالبلر میداننی تشلب کیتدیلر. عیال اولگن ایدی. ایرکک تیریک قالگن ایدی. کیین طالبلر قیتیب کیلیب اونگه اوچته اوق آتدیلر" دیدی ملا قلی قشلاقی نینگ یشاوچیلریدن بیری

باشقه خبر آزانسلریگه کوره هم عیال تاش باران پیتی عالمدن اوتگن ، ایرکک تیریک قالگن. طالبان قیتیب کیلیب اونی آتیب اولدیرگن.

کندوزده عصیانکارلر اوز حکمرانلیکلرینی اورنه تیشگن.

اولر نظارتلری آستیده گی حدودلرده حتی سالیقلرهم یغیشه دی .

افغانستان مستقل انسان حقلری کمیسیونی قتلنی قاره لب چیققن و بو طالبان نینگ رحمسیزلیگگه بیر ایسلتمه دیب تعریفله گن.

سونگی پیتده طالبان حاکم بولگن کندوز ولایتینینگ ایریم تومنلریده ملا لر شریعت قانونلری نینگ جاری ایتیلیشینی ایستب چیققن ایدیلر.

معلوماتلر گه کوره ، کندوزده کی کوپ گینه قشلاقلرده طالبان مخصوص کمیته لر قوریب مذکور کیمته لر آرقه لی اوز قانون قاعده لرینی جاری ایته دیلر .

دشت ارچی تومنیده کی ملا قلی قشلاغی حاضر طالبان عصیانکارلری نظارتی آستیده .

حادثه روی بیرگن محل آلمان لیک کوچلر نینگ حربی قرارگاه لریدن بیر ساعت اوزاق لیکده جایلشگن لیگی ایتیله دی .

مخبرلرگه کوره بو ، کندوز ولایتیده بولگن ناتو دائره سیده کی آلمان لیک کوچلر نینگ ، اوشبو ولایتده نیقدر آز تاثیر گه ایگه ایکنلیکلریدن دلالت بیره دی .

هر چند طالبلر بوندن آلدین هم کندوزده بیر نیچه کیشینی خارجلیک لر و دولت کوچلریگه جاسوسلیک قیلیش عیبی بیلن اولدیرگن ایدیلر اما بو کبی تاش باران عمللری کم اوچره یدی، اما کوپه ییب بارماقده .

آی باشیده طالبان بادغیس ولایتیده حامله دار بیوه نی زنا عیبلاوی بیلن بیرنچی دره اوریش بیلن جزالب کیین آتیب اولدیرگن ایدی. او هم عایله سیگه خیانتده عیبلنگن ایدی.

رسمیلر ایسه طالبلر نینگ بونده ی قاتللیکلر نی یولگه قوییب خلق آره سیده قورقو فضا سینی یره تیشگه حرکت قیلماقده لر .