سووتاشقنیدن خساره کورگن پاکستانلیک لرگه ا فغانستان نینگ یاردمی

افغانستان دولتی قوشنی پاکستان ده سونگی سووتاشقینلریدن خساره کورگن عاییله لرگه برمیلیون امریکا لیک دالر یاردم قیلدی.

افغانستان مالیه وزیرلیگی شونگه قوشیمچه جبردیده لرگه یاردم قیلیش مقصدی بیلن بوندن آلدین تورت تیک اوچر تورت تن دارو 12 شفاکار نینگ پاکستانگه یوباریلگنینی اورغوله دی.

پاکستانده یوزبیرگن سوو تاشقینلریدن جبرکورگن عاییله لرگه یاردم قیلیش اوچون افغانستان مالیه وزیرلیگی بیرمیلون ارزشلیک یاردم چیکینی پاکستان دولتی نینگ کابلده کی ایلچیسیگه تاپشردی.

افغانستان مالیه وزیری عمر زاخیل وال افغانستان دولتی کم بغل لیک دن تورلی خیل قینچلیک لر بیلن یوزمه یوز بولسه هم سووتاشقینلریده خساره کورگن پاکستانلیک لرگه همدردلیک مقصدی بیلن یاردم اعلان قیله دی دیب سوزیورتدی.

شونینگ دیک افغانستان مالیه وزیری عمر زاخیلوال سوو تاشقینلری باعث اوز اوی جایلریدن بدرغه بولگن پاکستانلیکلرگه ارتیق یاردم قیلیش اوچون افغان تجارلری نینگ مالی یاردم بیریشگه چقردی.

پاکستان دولتی نینگ کابلده کی ایلچیسی محمد صادق خان مالیه وزیری تمانیدن یولگه قویلگن مطبوعات انجمنیده موجود بولیب ، افغانستان دولتی تمانیدن بولگن یاردم لردن مینتدارچیلیک بیلدردی.

سونگی سیل اقیمی و سوو تاشقینلری باعث پاکستانده یوزلب کیشی هلاک همده ایگرمه مینگه یقین انسان خساره مند بولگن.

اوشبو سوو تاشقینلریده خیبر، پشتونخوا و سند ایالتلریده کی اهالی نینگ کوپراق خساره کورگنی ایتیلیب عینی حالده برق تامینات سوو توغانلری وعمومی یوللرنی بوزیلگنی اورغولنماقده.

شونینگ دیک اوییرده بولگن کوپلب افغان مهاجرلری هم خساره کورگنی ایتیله دی.

بیرلشگن ملتلر تشکیلاتی نینگ قاچقینلر بویچه بولیمی نینگ چیقارگن حساباتیده جاری میلادی ای نینگ باشله نیشدن بیری حاضرگه چه پاکستانده یوز بیرگن سوو تاشقینلریده جبرکورگن افغان قاچقینلری دن 300عاییله اوز اولکه لریگه قیتیب کیلگنلر.

افغانستان دولتی سوو تاشقینلریده خساره مند بولگن پاکستانلیک عاییله لرگه اوز یاردمینی اعلان قیلرایکن سوونگی سیل اقمیده خساره کورگن بیرقنچه افغانلرنی هم فوق العاده یارملرگه نیازی بارلیگی ایتیلماقده.