پاکستان سو تاشقینی جبیردیده لریگه ایترلی یاردم ایتیلمه گن

پاکستان
Image caption پاکستانده سودن ترقله دیگن یوقوملی کسللیکلر 3 میلیون باله نینگ حیاتیگه خوف سالماقده

بیرلشگن ملتلر یاردم تشکیلاتتیگه کوره ، پاکستانده گی سو تاشقینلری بیلن باغلیق بحران جدیلیگیچه قالماقده ، اما اما یوز مینگلب آدملر هنوز گه چه هیچ قنده ی یاردم الیشمه گن.

. سو تاشقینی کوپ گینه اویلر ، ایکنزارلر ، چاروا لر و عامه منفعت مکانلرینی ویران ایتکن.

اوشبو سو تاشقینیدن 20میلیون انسان ضرر کورگن و بیرلشگن ملتلر تشکیلاتیگه کوره 6 میلیون کیشی زودلیک بیلن فوق العاده یاردملر گه احتیاجی بار.

جهان آزوق اوقات تشکیلاتی حاضر گه چه ، فقط یریم میلیوندن آزراق انسانگه آزوقه ترقتگن و ضروری باش پناه گه احتیاجی بولگن تخمین ایتیلگن یریم میلیون انساندن فقط 98 مینگ کیشیگه خیمه چادر ترقه تیلگن.

یاردم ایتکیزیش یولده کی اساسی توسیقلر لوجستیک و مالی دیر. کوپریک لر سو واسطه سیده یوویلیب کتیلگن ، و یولر هم ییر کوچیشی عاقبتیده بیرکیتیلگن.

عینی پیتده بیرلشگن ملتلر تشکیلاتی نینگ فوق العاده یاردم عملیاتی بولیمی حاضرگه چه هم کیرکلی بودیجه نی قولگه کیریتگنی یوق. طلب ایتیلگن 460 میلیون دالردن فقط 36 % ایتیب کیلگن.

جهان بانکی پاکستان گه 900 میلیون دالر یاردم ایتیشی نی ایئتگن.

هر چند یاردم پوللری ائیتیب کیلماقده اما یاردم تشکیلاتلری اونی جوده از دیماقده لر – و میلیونلب باله لرحاضر سودن ترقه له دیگن یوقوملی کسلیکلر خوفی آستیده قاله یاتکنده جوده کیچ بولگن بولیشی ممکن.

بریتانیا ده کی پاکستان نینگ عالی کمیشنری ، مملکتی ننیگ قیته تیکله نیشی اوچون 15 میلیارد دالر مبلغ و بیش ییل مدت کیرک دیب ایئتکن.

بیرلشگن ملتلر یاردملری نینگ پاکستانده کی هماهنگلشتیروچی سی ، پاکستان ده 3 میلیون دن ارتیق باله نینگ سودن ترقله دیگن یوقوملی کسللیکلر خوفی آستیده بیولگنلیگیه اشاره ایتب ، یاردم لر زودلیک بیلن ایتب کیلمه سه ، پاکستان ننیگ سودن ترقه له دیگن کسللیک و آچیلیک باعث ایککینچی بیر اولیم تولقینیگه دوچ کیلیشی بیلن آگاه لنتیرگن.