افغانستان مسئله سی سوچی ییغینده محاکمه ایتیلدی

افغانستان، تاجکستان ، روسیه و پاکستان رهبر

روسیه جمهور رئیسی دیمیتری میدویدیف قاره دینگیز بوییده گی سوچی شهریده ،افغانستان ، پاکستان و تاجکستان جمهور رئیسلری بیلن اوچرگن.

اوشبو ییغینده ،افغانستان ده کی منطقه ده کی تروریزم تهدیدلرینی کمه یتیریش، چیگره آشه مخدر ماده لر قاچقاغینینگ آلدینی آلیش و منطقوی اقتصادی همکارلیکلر مسئله لری محاکمه ایتیلگن.

شو ننیگ دیک عینی دمده جناب میدویدوف و پاکستان جمهور رئیسی آصف علی زرداری اره لریده کی اورچه شوو لرده پاکستان ده کی سو تاشقینلری ارتیدن یوزه گه چیققن انسانی بحران مسئله سی خصوصده هم بحث آلیب بارگنلر.

افغانستان مسئله سیگه بغشلنگن سوچی ده کی ییغینگه میزبانلیک قیله یاتکن جمهور رئیس میدویدیف افغانستان حکومتیننگ تروریزمگه قرشی کورشینی قوللب قوتله شینی ایئتگن.

روسیه نینگ افغانستانده قوشونلری یوق اما بو قطار ییغینلر کریملین اوچون ، خلق ارا بیر مسئله گه ایلنگن افغانستان ده دخلینی کورسه تیش اوچون بیر فرصت سنه له دی .

افغانستان لیک همکسبی حامد کرزی یانیده تورگن جمهور رئیس مدویدیف، تروریزم گه قرشی اورش نی قولب قوتلشیشینی ایئتیب ، و بو خصوصده افغانستان دولتی نینگ هر قندهی سعی و حرکتینی امکانی باریچه دستکلشیشینی معلوم قیلدی .

عینی دمده ، روسیه جمهور رئیسی افغانستان گه نسبتا ، مسکو نی ، منطقه بویلب مخدر ماده لر قاچاقی نینگ الدینی الیشگه اعتبار قره ته یاتکنلیگیگه علیحده اورغو بیردی.

" مین مخدر ماده لر تهدیدیلریگه قرشی کورشیمیزده کی همکارلیک لر نینگ اوته مهم دیب کوره من. بو مشترک بیر معما ، فقط افغانستان معما سی ایمس. بو نی یالغیز افغانستان معما سی صفتیده کورش نا توغری بوله دی ." دیب ائیتدی دیمیتری میدویدیف

روسیه افغانستان و پاکستان ده کیچه یاتکن وضیعت بیلن اوز منفعیتینی باغلی کوره دی.

روسیه اسلامچیلر تهدیدیلری نینگ ترقه لیشی و چیگره آشه مخدر ماده لر سودا سیدن خوطرده .

بوگون کی ییغین نینگ کون ترتیبیده کی اساسی اعتبار ، افغانستان پاکستان دولت رهبرلری نینگ ملاقاتلریگه قره تیلگن.

جناب کرزی دواملی روشده پاکستان قدرتلی استخبارت خذمتینی طالبلردن حمایه ایتش بیلن عیبله گن.

ایندی ایسه پاکستان ده سو تاشقینلری طفیلی یوزه یه چیققن انسانی بحران طفیلی جمهور رئیس زرداری کوپراق باسیم لر استیده

سو تاشقینی ینگی روی بیرگنیده ، جناب زرداری انسانی فاجعه گه قره مسدن اوروپا سفریگه دوام بیرگن لیگی اوچون کوپ گینه تنقید لرگه دوچ کیلگن ایدی.

شو باعث بو مرته سوچی ده کی ییغینده فقط گینه بیر نیچه ساعت نی اوتکزگن.

سوچیده کی ییغنی اوشبو تورت مملکت رهبرلری اورت هسیده کی ایککینچی ییغین سنه له دی .