خیریه تشکیلاتی خادملریگه قرشی هجوملرکوپیگن

Image caption جاری میلادی ییلدن بیری انسان پرورلیک تشکیلات لریگه ایشله یاتگان خادم لرگه قرشی کمیده 20 هجوم اویشترلگن.

بیرلشگن مللتلر تشکیلاتی افغانستانده گی قوراللی گروه لردن انسان پرورلیک یاردم لرنی محتاج انسانلرگه یتکزب بیر لیشی گه توسیق بولمس لیک لرینی سوره گن.

یونما یا بیرلشگن ملت لرنینگ افغانستانده گی نماینده لیگینی ایتیشچه، جاری میلادی ییلدن بیری انسان پرورلیک تشکیلات لریگه ایشله یاتگان خادم لرگه قرشی کمیده 20 هجوم اویشترلگن.

بو هجوملرده 7 کیشی یاردم تشکیلاتی خادم لری هلاک بولیشگن.

بیرلشگن مللتلر تشکیلاتی خلقرا انسان پرورلیک یاردملری کونی مناسبتی بیلن ، افغانستانده گی گروه لردن انسان پرورلیک یاردملری احتیاجمند لرگه یتب باریشی اوچون اذن بیریش لرینی سوره گن.

اوشبو تشکیلات گه کوره ،بوتون دنیا بویلب انسان پرورلیک تشکیلاتلریگه ایشله یاتگان خادم لرگه قرشی هجو ملر سانی آشگن.

تشکیلاتگه کوره افغانستانده هم انسان پرورلیک تشکیلات خادم لریگه قرشی 20 ته هجوم ثبت ایتلگن.

"بیرلشگن مللتلر تشکیلاتی افغانستانده گی بوتون گروه لردن، انسان پرورلیک تشکیلاتی خادم لریگه حرمت قیلب اولرنینگ حیات لرینی تهدید قیلمس لیک لرینی سوریدی. سونگی التی ای ایچده بیرلشگن ملت لر تشکیلاتی حساباتیگه کوره، انسان پرورلیک تشکیلاتی خادم لری 47 مورد زوره وانلیک لر بیلن دوچ کیلیشگن." دیدی نظیف الله سالارزی

بیرلشگن مللتلر تشکیلاتی نینگ اورغوله شیچه، انسان پرور تشکیلات لر خادم لری، اوزایشلرینی قورقو و خواطیرسیز عملگه آشیرب احتیاجمند انسانلرگه یاردم بیریشی لازم.

عینی حالده خلقرا قیزل هاچ تشکیلاتی هم، افغانستانده قوراللی گروه لر سانی نینگ آشگن لیگی اولرنینگ فعالیت لریگه منفی تاثیر قویاتکان لیگی نی تاکیدله ماقته.

خلقرا قیزل هاچ تشکیلاتی نینگ سوزچی سی عبدالحسیب رحیمی، افغانستان خلقنی حاضر گی شرایط ده هر وقتدن کوپراق انسان پرورلیک یاردم لرگه احتیاجی بار لیگی نی ایته دی.

"افغانستان ده گی حاضرگی خوف سیزلیک شر ایطی انسان پرورلیک تشکیلات لری خادم لری اوچون خواطرگه سبب بولماقته، افغانستانده قوراللی گروه لر سانی نینگ آرتیب باره یاتگان لیگی بو مملکت ده هادی اهالی تلفاتی نی آشیب باریشی همده انسان پرورلیک تشکیلاتلری اوچون هم تشویش گه سبب بوله دی، بو حالت ایسه احتیاجمند انسانلرگه انسان پرورلیک یاردم لرینی اوز وقتیده یتب باریش گه توسیق بوله دی." دیب ایتدی رحیمی جنابلری

افغانستانده کون سایین یمان لشه یاتگان خوف سیزلیک شرایطی ، اوشبو مملکت ده فعالیت آلیب باره یاتگان دولت و نادولت تشکیلاتلری فعالیت لری اوچون خواطیرگه ایلنماقته.

تحلیلچیلرگه گوره بو حالت یاردم گه احتیاج انسان لرگه کیرک لی یاردم لرنی یتکزلب بیرلیشگه توسیق بوله دی.

همده ناتینچ لیک لر سبب لی کون سایین انسان پرولیک یاردم لرگه احتیاجی بولگن انسانلر سانی آرته دی.