افغان پلیسی اوچ اسپانیالیکنی اولدیردی

پلیس تیارگرلیک مرکزی
Image caption توقنه شوو پلیس تیارگرلیک مشقلری جریانیده روی بیرگن

رسمیلر نینگ معلوم قیلیشی افغانستان شمال غربیده کی بادغیس ولایتیده بیر نفر افغان پلیس عسکری ایککی نفر اسپانیالیک کوچلرنی و بیر نفر ترجمان لرینی آتیب اولدیرگن.

اسپانیا ایچکی ایشلر وزیری الفیردو پیریز روبالکابا گه کوره ، هجومچی شخص مشق و سباق لر چاغیده اسپانیا لیک کوچلر گه قرته اوت آچگن.

روی بیرگن آتشمه ده خوفسیزلیک کوچلری هم هجومچی شخصنی اولدیرگنلر.

ناتو ایتکچیلیگیده کی قوشونلرگه قره ته او ت آچگنی ائیتیلگن افغان پلیسی نینگ اولدیریلیشی آرتیدن غضبلنگن آدم لر ناراضلیک نمایشی اویشتیرگن.

بادغیس ولایتی نینگ قلعه نو تومنیده 200 گه یقین آدم اسپانیا قوشونلریگه تیگیشلی حربی قرارگاه گه تاشلر و یاغاچلر بیلن هجوم اویشتیرگن.

غضبناک نمایشچیلردن ایریملری دیوار دن چیقیب ناتو قرارگاه سیگه کیریشگه حرکت قیلگن. نمایش چاغیده آتیشمه لر یوز بیرگنی حقیده خبر لر بار.

25کیشی شفاخانه گه یاتقیزیلگن. اولر نینگ بعضیلری اوقدن یره لنگن.

اسپانیا کوچلری نینگ ایئیتشیچه ، دستلبکی حادثه ده ایککی اسپانیا لیک عکسر و اولر نینگ ترجمان لری اولدیریلگن.

اولدیریلگن افغان پلیس ضابطی نینگ کیم لیگی معلوم ایمس

. اما رسمیلر طالبان نینگ پلیس صفیگه سیزیب کیرگنلیگنی گمان قیلیشه دی .

محلی کسلخانه رسمیلری 25 کیشی یره دار نینگ شفاخانهده یاتقیزیلگن لیگی نی تن الگنو اولر نینگ ایریم لرین ینگ اوق واسطه سیده جراحت آلگن لیگنی هم معلوم قیلگن.

"تروریتسی هجوم"

هلاک ایتیلگن ایککی اسپانیا لیک یریم-حربی ملی گارد قوشونلریدن بولگن.

"بیر مشق صنفیده ، پلیس طلبه لردن بیری ایککی ملی قوروقچی پلیسی و ترجمانلریگه قرته اوت آچگن و ترجمان هم اسپانیا لیک بولگن ، اوچله سینی اولدیرگن" دیب ایئتکن اسپانیا ایچکی ایشلر وزیری جناب روبالکابا .

"اونگه جواباً خوفسیزلیک کوچلری هم هجومچیگه قره ب اوت آچگن و اونی اولدیرگن لر."

اونگه کوره ، اسپانیا رسمیلری ، اوشبو هجوم بویروغینی کیم بیرگن لیگنی تیکشیرماقده .

طالبان گروهی هجومچی پلیس نینگ اولرگه ایشله یاتکن لیگنی معلوم قیلگن. اما اوشبو ادعا مستقل منبعلر تمانیدن تصدیقلنمه گن.

"مین طالبلرن ینگ اوشبو حادثه آرتیده بولگن لیگنی ائیته المیمن. اما بو آلدیندن ریجه لشتیریلگن هجوم بولگن بو تروریستلر هجومی بولگن " دیدی جناب روبالکابا.

بوندن الدینراق افغانستان ده کی ناتو ایتکچیلیگیده کی آیساف کوچلری ، هجوم سببلری نینگ انیق ایمسلیگینی ایئتگن ایدی.

بادغیس والی سی نینگ سوزچیسی شراف الدین نینگ بی بی سی گه ایئتیشیچه، توقنه شوو بیر افغان پلیسی نینگ ایککی اسپانیا لیک بیلن دعوا لری ارتیدن یوز بیرگن.

خارجی کوچلر نینگ ، پلیس کوچلری نینگ مشق و تیارگرلیکلری چاغیده ، پولیس یانلنمه عسکرلری تمانیدن اولدیریلیشی بوندن آلدین هم روی بیرگن . شو جمله دناوتکن آی هلمند ولایتیده افغان عسکری تیاگرلیکلر چاغیده اوچ بیریتانیالیک عسکرنی اولدیرگن ایدی.

اسپانیا نینگ 1555 نفر کوچلری افغانستان ده فعالیت آلیب بارماقده .