سیلاو اوچون کیره کلی ماده لر ولایتلرگه یوباریلماقده

افغانستان مستقل سیلاولر کمیسیون مسووللری نینگ ایتیشلریچه سیلاو اوچون کیره کلی بولگن ماده لرنینگ ولایتلرگه یوباریش برنامه سی باشلنگن.

اوشبو کمیسیون نینگ معلوم قیلیشیچه حاضرگه قدر ، پارلمانی سیلاو اوچون کیره کلی بولگن ماده لرافغانستان نینگ اون تورت ولایتیگه یوباریلگن.

پارلمانی سیلاو نینگ اوچ هفته دن سونگ بولیب اوتیشی کوتیلماقده

افغانستان مستقل سیلاولر کمیسیون مسووللری سیلاو اوچون کیره کلی بولگن ماده لرنینگ خوف سیزلیک مسووللری همکارلیگی بیلن ولایتلرده انتقال بیریله یاتگنینی ایتیب اوشبو برنامه نینگ کیله جک بیرنیچه کون جریانیده توگه یشنی معلوم قیلدی.

شونینگ دیک معنوی جنابلری رای یپراغلرینی انیق احصایه لر اساسیده رای بیروچی محللرگه یوباریلشینی تاکیدله دی.

اونگه کوره هربیر رای بیروچی محلده التی یوز، رای یپراغینی یوباریلیشی ریجه لنگن . عینی حالده او، ضرورت بولگن حالده رای یپراغلرینی سیلاو کونی امنیتی کوچلر همکارلیگی بیلن رای محللریده یوباریلیشینی اورغوله دی .

مستقل سیلاولر کمیسیون مسووللری، بو اقدام قلاب کارلیکنی الدینی آلیش اوچون یولگه قویلگن لیگنی ایتماقده لر.

باشقه تماندن مستقل سیلاولر کمیسیون ریسی فضل احمد معنوی پارلمانی سیلاونینگ شفاف بولیب اوتیشی اوچون ایچکی وتشقی نظارتچیلردن عبارت بولگن 90 مینگ آرتیق کیشیگه اعتبارنامه ترقه تیلگنیدن خبربیردی.

شونگه قوشیمچه قیلیب نظارت قیله دیگن کیشیلرگه اعتبار نامه ترقه تیش دستوری نینگ کیله جک ایککی هفته ده توگه یشینی تاکیدله دی.

مستقل سیلاولر کمیسیونی پارلمانی سیلاو اوچون تیارگرلیک لر کوریله یاتگنینی ایترایکن پارلمانی سیلاو نینگ بولیب اوتیشگه آز کونلر قالگن.

کیله جک پارلمانی سیلاوی نینگ بولیب اوتیشگه اساسی توسیق خوف سیزلیک یمان لیگی دیب کورسه تیلماقده.

رسمیلر افغانستان نینگ 25 ولایتیده امنیتی معمالر باعث 938 رای مرکزینی اچیلمسلیگینی ایته دیلر.

عینی حالده مستقل سیلاولر کمیسیون نینگ یوقاری مرتبه لی خادملری خوف سیزلیک معماسی باعث ارتیق رای مرکزلرینی یاپلیشدن خواطرده.