کابلده قیز طلبه لر زهرلندی

Image caption بوندن بیر هفته مقدم هم خودی شوندی بیر حادثه، کابل نینگ باشقه بیر قیز مکتبیده روی بیرگندی

افغانستان رسمی لرنینگ ایتیشلریچه ، پایتخت کابل ده گی قیزلر مکتبیگه گازهجومی اویشتیرلگن.

کابل شرقیده سید نور محمد شاه مینه منطقه سیده جایلشگن ذبیح الله عصمتی ناملی قیز مکتبیده گی توشدن سونگ روی بیرگن حادثه عاقبتده 50گه یقین قیز طلبه و اوقوتوچی لرگاز بیلن زهرلنگن.

مکتب باشلیغی اورین باسری گه کوره طلبه لر گاز تاثیریده یقیلب توشگن.

قیزلر محلی شفاخانه گه آلیب کیتلگن.حاضرگه چه اولرنینگ اکثری اویلریگه قویب یوبارلگن.

افغانستان عامه ساغلیق وزیرلیگی سوزچی سی داکتر غلام سخی نور اوغلی گه کوره ، زهرلنگن لرنینگ ساغلیق وضعیتی یخشی .

خودی شونگه اوخشش بیرهجوم چهارشنبه کونی باشقه بیر قیز مکتبیگه قرشی اویشتیرلگندی.

هجوم آرتیده گی سببلر نا انیق اما اوتمیشده خاتین قیزلرتعلیم آلیش لریگه قرشی اویشترلگن زهرلی هجوملرده طالبان نینگ قول بارلیگی گمان قیلنردی.

معارف وزیرلیگی رسمی لری نینگ معلوم قیلیشلریچه ، نامعلوم شخص لر بی هوش قیله دیگن گازنی ، مکتب حیاطیده سیپیب قاچگن.

سونگی آیلرده مکتب طلبه لرنی زهرلنتریش واقعه لری نه فقط کابل بلکه قندوز سرپل کبی ولایتلریده هم روی بیرگن ایدی.

افغانستان رسمیلری مکتبلرده بوندی هجوم لرنینگ آلدینی آلیش اوچون جدی چاره تدبیرلرنی یولگه قوییلیشنی سوزبیرگن ایدی.