طالبان اتفاق کوچلری قرارگاه لریگه هجوم قیلدیلر

خوست ده کی  امریکا لیک کوچلر
Image caption ناتو سوزچیلریدن پاتریک شیبا گه کوره هجومچی طالبلر "امریکالیک کوچلر نینگ حربی کییملریده بولگن ".

ناتو کوچلریگه کوره امریکالیک کوچلر نینگ حربی کییم لرینی کییگن طالبان افغانستان شرقیده کی ناتو نینگ ایککی حربی قرارگاه لریگه قرشی هجوم اویشتیرگن.

افغانستان شرقیده کی ناتوو کوچلری نینگ حربی قرارگاه لریگه قرشی اویشتیریلگن هجوملرده ، 1 توپلم 24 عصیانچی هلاک بولگن.

ناتو کوچلری نینگ سوزچیسیگه کوره ، اشوبو حادثه ده ، عصیانچیلر خوست ولایتیده کی ناتو قرارگاه لریگه کیریشگه موفق بولمه گن و حادثه ده ناتو کوچلریدن تلفات هم روی بیرمه گن.

هجوم ایرته تانگ محلی وقت بیلن ساعت تورت اطرافیده پاکسان چیگره سی یقینییده جایلشگن خوست ولایتیده کی ییریک حربی قرارگاه لر گه قرشی روی بیر دی.

محلی منبع لر گه کوره اوشبو هجوملرده قریب 50 نفر عصیانچی اشتراک ایتگن. قورالی عصیانچیلر اینگیل قوراللر و راکت آتوچی ماسلمه لر آرقه لی اوت آچیشگن.

اولر دن ایککی نفری قرارگاه لری نینگ بیریگه کیریشگه موفق بولگن اما کیین ، اولدیریلگن. شو ننیگ دیک 7 ته انتحاری نیمچه لر هم قولگه کیریتیلگن.

اتفاق کوچلری اوشبو هجوملر نی قیتریش اوچون تیک اوچرلر نی یاردم گه چقیرگن. "سالارنو" قرارگاه سیگه هجوم قیلگن اکثریت هجومچیلر هلاک ایتیلگن.و بیر نیچه هجومچی هم قولگه آلینگن.

ناتو کوچلرین نگ محلی سوزچیلریگه کوره هجومچیلردن تورت نفری انتحاری نیمچه لر کیگن ایکن. شو ننیگ دیک سوزچیگه کوره حادثه ده ناتو و یا افغان خوفسزلیک کوچلریدن تلفات روی بیر مه گن.

Image caption خوست ولایتیده کی امریکالیک کوچلر نینگ قرارگاه لری بوندن آلدین هم هجوم پگه توتیلگن ایدی

هجومچیلردن 15 نفری سالارنو قرارگاه سیده هلاک ایتلگن وقالگنی امریکا لیک کوچلر یگه تیگیشلی بولگن "کمپ چپمن" قرارگاه سیده اولدیریلگن.

ناتو کوچلری نینگ سوزچیلریدن مایکل جونسون نینگ بی بی سی گه ایئتیشیچه ، اوشبو هجوملر اتفاق کوچلری طالبان حاکم بولگن منطقه لرگه کیریب باریشی بیلن طالبلر کوپراق باسیم استیده قالگنلیگنی کورسته دی و شو اوچون بو کبی هجوم لر ننیگ کوپ روی بیریشی کوتیله دی.

ایریم معلومات لر گه کوره ، اوشبو هجوم لر آرتیده حقانی ترماغیگه تیگیشلی هجومچیلر تورگن .

حقانی ترماغی افغانستانده کی اتفاق کوچلری گه قرشی اوروش اآلیب باره یاتکن اوچ اساسی عصیانچی گروه لر دن بیری. اوشبو گروه گه ، سابق جهادی قوماندانیلردن بولمیش جلال الدین حقانی نینگ اوغلی ، سراج الدین حقانی رهبرلیک قیله دی و اولر اساسا ، شرق و جنوب شرق بولگه لریده طالبان و حزب اسلامی گروه لری یانیده عصیانچیلیک فعالیتلرینی الیب باره دیلر .

طالبان عصیانچیلری بوندن آلدین هم ریجه لشتیریلگن قوشمه هجوملر نی ممکلت بویلب اویشتیرگن ایدیلر.

مذکور هجوملرده هم عصیانچی لر راکت هجوملر بیلن قرارگاه لرگه حمله قیلگن ایدیلر.

اوشبو هجوم لر نینگ بیری اوتکن دسیمبر آییده ، خوست ولایتیده کی امریکا لیک کوچلر گه تعلقلی بولگن قرارگاه ده روی بیرگن ایدی.

انتحاری هجومچی اوزینی پارتلشی عاقبتیده روی بیرگن مذکور هجومده امریکا مرکزی جاسوس لیک خذمتی یا سی ای اه نینگ ییتی نفر خادمی هلاک بولگن ایدی.