هراتده سیلاو تبلیغات خادملری اولدریلدی

پارلمانی سیلاوگه نامزد، فوزیه گیلانی نینگ بیش سیلاو تبلغات خادملری اولدیرلگن. اولرنینگ جسدلری ادرسکن ولسواللیگی یقنیده جایشلگن سه تخت منطقه سیدن تاپیلگن.

اوشبو بیش کیشی بوندن تورت کون الدین هرات ولایتی نینگ ادرسکن ولسواللیگی یقنیده اوغرلنگنی ایتلگن ایدی اولرنینگ کیم تمانیدن اولدریلگنی حاضرگه چه هم معلوم ایمس.

خوف سیزلیک مسووللری حادثه یوزه سیدن تیکشرو ایشلر باشلنگنینی ایتیب، دستبلکی تیکشرولر نتیجه سی اساسیده اولرنی اتیب اولدریلگنینی معلوم قیلگنلر.

شونینگ دیک هرات ولایتیده پارلمانی سیلاونامزد لردن بیری عبدالمنان هاشمی ناملی شخص اوتگن اقشام ناانیق قوراللی شخص لرتمانیدن نشانگه آلینگن نتیجه ده قتیغ یره لنیب کسل خانه ده انتقال بیریلگنیدن سونگ هلاک ایتیلگن.

شیندند حاکمی اوشبو حادثه شیندند بازاریده کی آخوندزاده مسجدی یقنیده یوزبیرگنینی تاکیدله گن.

اوتگن هفته هم هرات ولایتی نینگ رباط سنگی ولسواللگیده پارلمانی سیلاو نامزدلریدن بیری نینگ موتری قوراللی شخص تمانیدن نشانگه آلنیب، نامزد نینگ اوزی ضرر کورمی اما بیر ایناغه سی هلاک واوچ قوروچیسی یره لنگن ایدی.

سونگی پیتلرده ایسه پارلمانی سیلاو نامزدلریگه قرشی سوی قصد اویشتریش کبی واقعه لرکوپلب کوزه تیلماقده. بوایسه پارلمانی سیلاو الدی ترغیباتلری اوچون اساسی معما یره تگن. ایریم نامزد لر شوکبی واقعه لرنی کوپیگنی سبب اوزاق منطقه لرده باره آلمسلیکلریدن شکایتده.