یتتی امریکالیک عسکر افغانستانده هلاک ایتیلگن

افغانستانده فعالیت آلیب باره یاتگن ناتوکوچلری 7 امریکا لیک عسکری نینگ افغانستان جنوبیده هلاک ایتیلگنینی معلوم قیلگن.

هرچند ناتوکوچلری تمانیدن ترقه تیلگن بیاناتده اوشبو عسکرلرنینگ انیق قیرده هلاک ایتیلگنی باره سیده معلومات بیریلمه گن لیکن بیش عسکرنینگ بیر پارتلش وباشقه ایککی عسکر نینگ ایککینچی پارتلشده هلاک بولگنی تاکیدله گن.

عینی حالده، کوزه توچیلر مطبوعات فعاللری بیلن بولگن صحتبلریده امریکا حربی کاروانی نینگ جنوبی قندهار ولایتیده یول چیککه سیده اورنه تیلگن ماین بیلن توقنشگنینی ایتگنلر.

شوبیلن قوشیمچه اوچ کون جریانیده امریکا کوچلری نینگ افغانستانده بولگن تلفاتی 14 کیشی گه ایتیشدی

رسمی معلومات لرگه کوره 2001 میلادی ییلدن بیری شو پیتگه قدر بیرمینگ و ایککی یوزدن ارتیق امریکا عسکری افغانستانده قربان بولگن

امریکا قوشمه ایلتلری 2009 میلادی ییل نینگ دسامبر ای دن حاضرگه چه 30 مینگ قوشیمچه کوچ نینگ افغانستانده یوبارگن.

امریکا حربی لری نینگ اساسی فعالیتلری افغانستان نینگ جنوبی وشرقی حدودلریده بولیب طالبان عصیانچیلرگه قرشی اورشیب کیلماقده.

خوب شوندی ایکن امریکا جمهورریسی باراک اوباما کیله جک میلادی ییل امریکا کوچلری نینگ افغانستاندن چیقیب کیتیش برنامه سی باشله نیشینی اورغولب کیلماقده.لیکن بو قرار ایسه افغانستان وتشقریده جدی تنقید لر بیلن بیرگه بولیب کیلماقده.