" مخدره ماده لرگه قرشی کوره شیش برنامه لری کوچیتریلگن"

افغانستان حکومتی نینگ ایتیشیچه ، جاری ییل نینگ بیش آی اولیده ، مخدره ماده لر گه قرشی کوره شیش برنامه لری ، اوتمیش لرگه کوره ، اوچ برابر کوپه یتیریلگن.

ایچکی ایشلر وزیرلیگیگه کوره ، شو مدت جریانیده ، قریب تن مخدره ماده لر و مخدره ماده ایشلب چیقاریش اوچون فایده له نیله دیگن کیمیاوی ماده لر، پولیس کوچلری تمانیدن قولگه کیریتیلگن.

ایچکی ایشلر وزیرلیگی نینگ یوقاری رسمیلری ، 280 کیشی دن آرتق مخدره ماده قاچاقچیلرینی هم جاری ییل نینگ بیش آی اولیده توتقینگه آلینگنینی ایتدیلر.

افغانستان ایچکی ایشلر وزیرلیگی نینگ مخدره ماده لرگه قرشی کوره شیش اورین باسری جنرال داود داود ، 8 یریم تن مخدره ماده لرنینگ اوت بیریش جریانیده اوشبو معلومات لرنینگ مطبوعات فعاللریگه ایتدی.

اونگه کوره، هیروین، تریاک مورفین کبی اوت بیریلگن مخدره ماده لر بیش آی جریانیده افغانستان نینگ ایریم ولایتلری اینیقسه پایتخت کابلدن قولگه آلینگن.

عینی حالده داود جنابلری مخدره ماده لر قاچاقیگه عیبلنیب حبسگه آلینگن 280 کیشیدن اونته سی افغان حربیلری وباشقه التی ته سی خارجیلردن عبارت بولگنینی تاکیدله دی.

لیکن توتقینگه آلینگن خارجیلر وافغان حربی لری باره سیده اچیقچه معلومات بیرمه دی.

شونگه قوشیمچه قیلیب جنرال داود داود، مخدره ماده لرگه قرشی کوره شیش برنامه لری نینگ اوچ برابر کوپتیریلگنینی اورغوله دی.

بوندن بیرقنچه مدت آلدین مخدره ماده لرگه قولی باردیب حبسگه الینگن پلیس نینگ یوقاری خادملریدن بیری جنرال ملهم اون ییل قماق جزاسیگه محکوم ایتیلگندی.

هرچند حکومت رسمیلری اوتگن بیرنیچه ییلدن بویان مخدره ماده لر قاچاقینی آلدینی آلیش اوچون جدی اعتبار قره تیب کیله یاتگنینی تاکید لیدیلر، بیراق مخدره ماده لر قاچاقیگه قولی بار دیب ادعا ایتیلگن دولت نینگ یوقاری مرتبه لی خادملرینی حبسگه آلنیب محکمه گه تارتیلمگنی خلق نینگ جدی تنقیدلریگه سبب بولیب کیلگن.