تخارده ناتوکوچلری ینه هم هوای هجوم اویشترگن

ناتوکوچلری بیربیانات ترقه تییب تخار ولایتی نینگ درقد ولسواللگیده یولگه قویلگن هوای هجوم وعملیاتده التی عصیانچی هلاک بولیب وطالبان نینگ قوماندانلریدن بیرینی توتیلگنینی ایتگن.

اوتگن کیچه تخار ولایتی نینگ درقد ولسواللگینی ارپلی دیب ناملنگن منطقه سی هوای هجوم ارقه لی نشانگه آلینگن.

ناتو کوچلری اوشبو هوای هجوم طالبلر قوراللی لرینی یوق ایتیش اوچون یولگه قویلگنلگینی اورغوله گن.

شونینگدیک ناتوکوچلری عملیات جریانیده آلتی طالب هلاک بولیب وطالبان نینگ مهم قوماندانلریدن بیرینی توتیلگنینی معلوم قیلگن.

همده ناتوکوچلری تمانیدن چیقاریلگن بیاناتده توتیلگن کیشی، تخار ولایتی نینگ التی ولسواللگیده فعالیت قیلیب کیله یاتگن عصیانچیلر قوماندانی دیب اورغولنگن.

لیکن تخار ولایتی نینگ پلیس باشلیغی بی بی سی بیلن بولگن صحبتیده ناتوکوچلری تمانیدن اویشتریلگن هوای هجومده بیش عصیانچی نینگ هلاک بولگنینی ایتیب وباشقه تورت عصیانچی نینگ درک سیز یوقالگنینی معلوم قیلگن.

عینی حالده محلی رسمیلر اوشبو هوای هجومده عادی اهالیگه هیچ قندی تلفات ایتکزیلمه گنینی تاکیدله گن.

بوندن ایککی کون الدین تخار ولایتی نینگ رستاق ولسواللگیده پارلمان سیلاوگه نامزد عبدالواحد خراسانی نینگ سیلاو تبلغات کاروانی ناتوکوچلری تمانیدن هجوم گه آلنیب اون کیشی قربان بولگن ایدی.

ناتوکوچلری اوشبو هوای هجومده اوزبکستان اسلامی حرکتیگه علاقه دار بیرقوماندان داخل سککیز عصیانچی نینگ هلاک بولگنینی ایته دی. لیکن افغانستان حکومتی و منطقه یشاوچیلری قربان بولگنلرنینگ همه سینی عادی اهالی دیشه دی. خواجه بهاوالدین ولسواللگیده یوزلب اهالی بوگون بو هجومگه قرشی ناراضلیک نمایش یولگه قویب عادی اهالی هلاکتیگه سبب بولگن کیشیلرنی محاکمه بولیشینی طلب قیلگنلر.