داکتر عبدالله: افغانستان شمالی حدود لری تینچ سیز بولگن

داکتر عبدالله: اربکی کوچلر اوزلری تینچ سیزلیک گه اورین لری بار

تغییر و امید ناملی ایتلاف نینگ باشلیغی داکتر عبدالله عبدالله ، مملکت نینگ تینچلیگی اینیقسه شمال حدود لریگه یمان تمان گه کیته یاتگنی نی ادعا ایتدی.

عبدالله جنابلری گه کوره ، اوتکن بیر ییل مابینده ، افغانستان شمالی حدود لریگه تینچ سیز لیک لر جدی شکلده کوپه یگن.

او نینگ ادعا سیگه کوره ، حکومت ، تروریزم و جنگری لر بیلن قرشی کوره شمه گن .

داکتر عبدالله عبدالله ، یولگه قویگن مطبوعات انجمنیده ، حکومت نینگ تروریزم بیلن قرشی کوره شیشی نی ، قره مه قرشیلیک بیلن آلدین کیته یاتگنی نی هم ادعا قیلدی.

عبدالله جنابلری ، حکومت نینگ سیاستی ، افغانستان خلقی نینگ انگیزه لری نینگ ضعیف قیلگن دیب ایتدی.

عین حالده ، تغییر و امید ناملی ایتلاف نینگ باشلیغی داکتر عبدالله عبدالله ، حکومت تمانیدن ،اربکی کوچلری یا محلی پولیس آتی گه قوراللنگن محلی کیشی لرنی ، تینچلیک نی بوزیشی گه و طالب لر نینگ کوچلنتیریشیگه سبب بولگن دیب ادعا قیلدی.

اما افغانستان حکومتی تنچ سیز لیک لرنینگ کوپه یشی نی تایید قیله دی اما ایته دی

افغانستان حکومتی مطبوعات مرکزی نینگ مصلحت چیسی رفیع فردوس گه کوره ، اخیر گی پیت لرده تروریزم نینگ افغانستان گه یوباره یاتگن لر و حمایت ایتوچی لر نینگ فعالیت لری کوپه یگن.

فردوس جناب لری نینگ ایتیشیچه ، افغانستان حکومتی تروریزم بیلن قرشی کوره شیش برنامه سی نی ، تروریزم نینگ کوچلنتیره یاتگن مرکزلریگه قره تیش اوچون سعی و حرکت قلماقده.

افغانستان حکومتی مطبوعات مرکزی نینگ مصلحت چیسی رفیع فردوس ، داکتر عبدالله عبدالله حکومت تمانگه قره ته یوروتگن سوزلرینی رد قیلیب ایته دی که ، اربکی یا محلی پولیس کوچی نینگ ایشی فقط قندوز ولایتی گه باشلنگن و اوشبو فعلایت لر یخشی نتیجه قولگه کیلتیرگن اما باشقه ییرده عملی بولگن ایمس .

رفیع فردوس گه کوره ، اربکی کوچلر نینگ ایجاد ایتیلشی هیچ قنده ی قیین چیلیک نی اورته گه کیلتیرمه یدی.

بو حالتده قرگنده ، افغانستان پارلمانی سیلاولری نینگ بولیب اوتیشی گه فقط گینه نیچه کون قالگن ، سیلاولر مستقل کمیسیونی هم پارلمانی سیلاولر نینگ یخشی شکل ده بولیب اوتیشی نی مملکتده تینچ لیک نینگ برقرار بولیشی نی سوره ی دیلر.

هرچند ، خوف سیز لیک کوچلری هم ، طالبان و تروریزم گه قرشی کوره شیش برنامه لری نینگ یخشی شکلده ایلگری آلیب ایلتیشی نی ادعا قیله دیلر اما شونده ی بولسه هم ، مملکت نینگ ایریم حدود لری اینیقسه شمالی ولایت لریده ، تینچ سیز لیک لر کوپه یگن و اوشبو تینچ سیز لیک لر مخالف گروه لر تمانیدن ، اوشبو منطقه لرده کینگه یتیریلماقده.