ناتو قوماندانی قرآن نینگ یاقیش تهدیدلریگه اعتراض بیلدردی

افغانستانده فعالیت آلیب باره یاتگن خارجی کوچلرنینگ عمومی قوماندانی جنرال پیتریوس قرآن نسخه لرینی یاقیش قراری خوف توغدریشی ممکن لیگینی ایتدی.

امریکا نینگ افغانستاند بولگن عمومی قوماندانی جنرال پیترویس نینگ اگاه لنتریشیچه سیپتمبر ای نینگ 11. سیده روی بیرگن هجوملرنینگ 9 ییللگی سنه سی مناسبتی بیلن قران نسخه لرینی یاقیش قراری اتفاق کوچلریگه خوف توغدریشی ممکن.

اونینگ ایتیشچه بو گپ عملگه اشریلسه بوتون مسلمان دنیاسی نینگ غضبی قوزیدی.

جنرال پیتریوس سوزلریگه کوره فلوریدا ده قرآن نسخه لرینی یاقیش ریجه سی طالبانگه قول کیله دی و مسلمان دنیاسیده امریکا کوچلریگه قرشی کفیتلرنی کوچیتره دی.

جنرال دوید پیتریوس قرآن یاقیلسه " نه فقط کابلده بلکه بوتون دنیا بویلب " ناراضلیک لرگه آلیب کیلیشی ممکن دیب آگاه لنتردی.

همده او امریکا مطبوعاتیده قیلگن مراجعتیده بو امریکا قوشینلری وکیله جک سعی حرکتلری میزنی خوف آستیگه الیب کیلیشی ممکن دیب یازگن.

طالبان عیناً اوشبو حرکتدن فایده لنیب اوندن هم کتته راق معمالرنی " چقریب کیلیشی ممکن. نه فقط افغانستان، بیز دنیا نینگ تورلی بورچک لریده هم اسلامی جماعه لر بیلن ملاقاتده میز " دیدی افغانستانده 150 مینگ حربیلرگه رهبرلیک قیله یاتگن جنرال پیتریوس.

عینی حالده امریکا نینگ کابلده کی ایلچی خانه سی مخصوص بیانات بیلن چیقیب، چیرکاونینگ ریجه لرینی قاره له گن و رسمی واشنگتن " ایته دیگن دینی یاکی ایتنیک گروه نینگ کونگلیگه آزار بیریش حرکتلریدن چقور تشویشده" ایکنینی بیلدرگندی.

عیناً بو مناظره لی حالت امریکا ده منفی تاثیر قویگنی ایتیلماقده.

باشقه تماندن نیویارکده توقیز ییل آلدین ترور هجومی صادرایتیلگن جایده ینگی مسجد و اسلامی مدنیت مرکزینی قوریش ریجه سیگه اکثر امریکا لیک لر ناراضی .

دوشنبه کونی بیرقنچه کابل یشاوچیلر پایتخت کابلده قرآن نسخه سینی یاقه میزدیگن گپلرگه قرشی ناراضلیک بیلدرگندی.

نمایشچیلر امریکا قرآن نینگ تحقیرله شینی بس قیلمس ایکن، نمایشلرینی دوام ایتیریش بیلن هم آگاه لنترگندی.

پستور جونس اوز ریجه لرینی اعلان قیلگنیدن بیری جوده کوپ تهدیدلرنی آلگنینی ایتدی. او ایسه جنرال پیتریوس نینگ خواطرلرنی تن آلیب " وال ستریت " ژورنالیگه بیاناتینی چاپ ایتدی.