طالبان بیلن مذاکره قیلیش غایه سی تنقید قیلندی

Image caption احمد ضیا مسعود،افغانستان حکومتی مملکت ده کی موجود معما لرینی ایچیشگه ناتوان بولیب قالگنینی ایتگن.

افغانستان جمهور رئیس نینگ سابق معاونی ،طالبان بیلن حکومت نینگ مذاکره آلیب باریش ریجه سینی کیسکین بیرشکلده تنقید قیلیب چیقدی.

مجاهد رهبرلریدن مرحوم احمدشاه مسعود اولدیرلگن نینگ توقیزییلیگنی نشانلش مناسبتی بیلن یولگه قوییلگن مراسمده صحبت لشگن احمد ضیا مسعود،افغانستان حکومتی مملکت ده کی موجود معما لرینی ایچیشگه ناتوان بولیب قالگنینی ایتگن.

مسعود جناب لر نینگ ایتیشچه :"طالبان ، پاکستان منفعتی اوچون افغانستانده اوروشماقده.ریجه لرگه کوره ، بیز طالبان بیلن سیاسی کیلیشووگه ایرشماغچین ایکن میز.بیز ایندی قوشنی بیر مملکت منفعت لری اوچون کوره شه یاتگن ییتیم بیرگروه بیلن سیاسی کیلشووگه باریشمیزکیرک می؟"

"پاکستان حکومتی ، طالبان بیزنینگ اراده میز سیز ، افغانستان حکومتی بیلن سیاسی کیلشووگه باره آلمیدی دیب ایتیب کیلگن.بوندی بیرحالت طالب لرنینگ ییتیم بیرگروه بولگنیگه یقال نمونه دیر." دیب ایتدی احمد ضیا مسعود.

مسعود جناب لریگه کوره ، پاکستان بیلن کیلشووگه ایرشلمسدن ، طالبان بیلن مذاکره آلیب باریش نتیجه سیز قاله دی .

مجاهد لرنی چیتله تیش

عینی مراسمده اشتراک ایتکن بیرقطار سابق جهادی رهبرلر ،افغانستان حکومتی نینگ مملکت ده خوف سیزلیک نی تامین لش خصوصیده گی برنامه لرینی تنقید آستیگه آلگن.

جمله دن حامد کرزی سیاسی رقیبی عبدالله عبدالله و سابق جهادی رهبرلردن و ملی کینگاش وکیلی عبدالرب رسول سیاف ، حکومت نی مجاهد لرگه اعتبار سیز بولیب قالگنی و اولرنی قدرت صحنه سیدن چیت لنتریشگه عیب له دی .

سابق جهادی رهبرلرگه کوره ،اولرنینگ سیاسی قدرت صحنه سیدن چیت لنتیرلیشی ، مملکت ده کی سیاسی و خوف سیزلیک وضعیتی نینگ یمان لشیشگه سبب بولماقده.

افغانستانده طالبان حاکمیت نینگ 2001 ییلیده اغدرلیشی آرتیدن ، سابق جهادی رهبرلر دولت کابینه سیده گی اکثریت مقام لرینی قولگه آلگندی.

بیراق مملکت ده گی برینچی جمهور ریئس لیک سیلاووی آرتیدن اولرنینگ دولت کابینه سیده گی حضوری کمه یب باردی.

بونگه قره مسدن، دولت ملازم لری ، جمهور رئیس لیک اورینباسرلیگی کبی بیر قطار مهم مقام لرنینگ مجاهد لرگه بیرلگنینی ایتماقده.

بوندن 5ییل مقدم یولگه قوییلگن پارلمان سیلاو لری ارقه لی بیرقطار سابق مجاهد رهبرلری ، ملی کینگاش وکیللری اولراق پارلمانگه کیریشگه موفق بولگندی.