ناتوتیک اوچری افغانستانده هلاکتگه اوچره گن

ناتوکوچلری نینگ برتیک اوچر افغانستان جنوبیده هلاکتگه اوچره گن، ناتوکوچلریگه کوره حادثه ده توقیز چیت ایللیک عسکر هلاک بولیب ، بر افغان و ایککی چیت ایللیک عسکری هم یره لنگن.

ناتوکوچلری بیربیانات چقریب اوشبو کوچلرنینگ بیر تیک اوچرنی بوگون تانگ چاغیده افغانستان نینگ جنوبی حدودلرده هلاکتگه اوچره گنینی معلوم قیلگن.

لیکن اوشبو بیاناتده تیک اوچرنینگ انیق قیسی حدوده هلاکتگه اوچره گنی باره سیده معلومات بیریلمه گن.

همده تیک اوچر هلاکتی باعث قربان بولگن توقیز حربینی کیم لیگی و قیسی اولکه لر گه باغلیق ایکنی باره سیده هم هیچ نرسه ایتیلمه گن

اما زابل ولایتی نینگ رسمیلری بی بی سی بیلن بولگن صحبتیده تیک اوچر اوشبو ولایت نینگ دای چوپان ولسواللیگیده هلاکتگه اوچره گندیب فکر بیلدرگن.

ناتوکوچلریگه کوره یره لنگن لر دوالش مقصدی بیلن اوشبو کوچلرگه باغلیق مرکزلردن بیریگه انتقال بیریلگن.

طالبان قوراللی لری اوشبو تیک اوچرنینگ اوریب توشریلگنینی ایتیب تیک اوچرده بولگن 16 عسکر نینگ همه سینی هلاک ایتیلگنینی ادعا قیلگنلر.

لیکن ایساف کوچلری نینگ سوزچیسی جوزیف بلاتس بوادعالرنی ردایتدی."حاضرگه قدر حادثه ده نیمه سبب بولگنی باره سیده بیزهیچ نرسه بیلمی میز، بوخصوصده تحقیقات نینگ جریانی بار، اما شونچه بیله میز کی حادثه روی بیرگن منطقه ده دشمن تمانیدن اوق اچیلگنی باره سیده نشانه لر یوق"دیب ایتدی ایساف سوزچیسی جوزیف بلاتس

بو تیک اوچر حادثه سی ایسه افغانستانده کی خارجی کوچلر اوچون اینگ کتته تلفاتلردن بیری دیب کورسه تیلماقده.

عینی حالده 2010 جاری میلادی ییل افغانستانده فعالیت الیب باره یاتگن خارجی کوچلر اوچون اینگ قانلی ییل دیه کورسه تیلگن.

رسمی معلومات لرکه کوره بو کونگی یوز بیرگن حادثه ده قربان بولگن خارجی عسکرلر قوشیمچه میلادی ییل باشله نیشدن بیری حاضرگه چه اینگ آز بیش یوز ایگرمه توقیز چیت ایلیک حربی اوز جانلرینی افغانستانده قولدن بیرگنلر.