باراک اوباما ایران جمهور رئیسی معروضه سینی قارله دی

Image caption جناب اوباما 11 سیبتمبر هجوملریده هلاک بولگنلرنینگ اکثری توپراققه تاپشیرلگن نیویورک شهریگه کیلیب بوندی بیاناتلرنی بیریش" کیچریب بولمس حالت" ایکنینی ایتدی.

امریکا جمهور رئیسی باراک اوباما ایران جمهوررئیسی محمود احمدی نژاد نینگ کوپلر 11 سیبتمبر هجوملری آرتیده امریکا حکومتی تورگنیگه ایشانه دی ، دیگن دعوا لرینی "عدواتلی " و " تجاوزکارانه" دییه بهاله دی .

جناب اوباما بو حقده ایران و افغانستانگه یایینلانوچی بی بی سی فارس تلویزیونیگه بیرگن مخصوص صحبتی چاغیده ایتگن.

محمود احمدی نژاد بیرلشکن مللت لر تشکیلاتی عالی یغینیده پنچشنبه کونی معروضه قیلرایکن، کوپلر یغین سالوننی ترک ایتیشگن ایدی.

ایران جمهور رئیسی کیینچه لیک اوز دعوا لرینی حمایه قیلیب چیقدی و هجوملر یوزه سیدن تیکشرولر اوتکزیشنی طلب قیلدی.

اوشبو حادثه بهانه سیده ایککی مملکت اشغال ایتلدی و حاضرگچه یوز مینگلب آدملر هلاک ایتلدی.بو بهانه "قیته کوریب چیقیلیشی کیره ک، دیب اویله می سیزمی ؟" دیدی جناب احمدی نژاد ژورنالیستلر بیلن بولگن صحبتده .

اونگه کوره ، امریکا یقین شرقده گی منفعت لرینی مستحکم لش و " صهیونیست رژیم"نی حمایه قیلیش اوچون بوهجوملرنی تشکیللشترگن بولیشی ممکن.جناب احمدی نژاد عادتده اسراییلنی "صهیونیست رژیمی " دیب ایتدی.

جناب اوباما 11 سیبتمبر هجوملریده هلاک بولگنلرنینگ اکثری توپراققه تاپشیرلگن نیویورک شهریگه کیلیب بوندی بیاناتلرنی بیریش" کیچریب بولمس حالت" ایکنینی ایتدی.

بیراق امریکا جمهور رئیسی 11 سیبتمبر هجوملر باره سیده ایران لیک همکسبی نینگ فکرلریگه اکثریت ایرانلیک لر قوشلمسلیگینی تاکید لب اوتدی.

"ایرانده نیویورک و واشینگتن ده گی قربانلر خاطره سیگه شمع لر یاقیلگندی.اوشنده ایران خلقی خیرخواهلیک نینگ طبعی حسننی عکس ایتترگندی، دیب اویله ی من،" دیب ایتدی باراک اوباما بی بی سی بیلن صحبتده .

" بو ینه بیر ایران رهبریتی و رژیمی نینگ قندی اشلشی و ایرانده گی اکثریت خلق نینگ نمه دیب اویله شی قنچه لر فرقلی ایکنینی ینه بیر بار نمایان ایتدی، " دییه علاوه قیلدی امریکا جمهور رئیسی .

باراک اوباما سوزلریگه کوره، ایران خلقی نینگ موقعی جناب احمدی نژاد شرحلری نینگ تام تیسکری سینی عکس ایتتره دی .

"بو حقارت و نفرتگه توله چیقیش ایدی.و اینقسه اونینگ اینقسه من هاتنده بوندی بیاناتلرنی قیلیشی..برچه دینلر، عرق وکیللری 11 سیبتمبر هجوملرینی بیر اولاد کیلهجگیگه تاثیر قیلگن فاجعه سی صفتیده کوریشه دی .بوندی بیر بیاناتلرنی قیلیش کیچریب بولمیدیگن حال، " دیدی باراک اوباما.

2001 ییلی 11 سیبتمبر امریکا نینگ نویورک و واشینتگن شهرلریگه هجوملرده 3 مینگگه یقین آدم هلاک بولگندی.

بی بی سی فارس تلویزیوننی بیلن صحبتده جناب اوباما شونینگ دیک امریکا کیلگوسی یازدن باشلب اوز قوشونلرینی کمی تیرسه ده ، افغانستاننی یککه تشلب قویمسلیگنی ایتدی.

"حاضرده افغان خوف سیزلیک کوچلری تیارگرلیکلردن اوتیشماقده.بیز افغان پولیس نینگ تیارگرلیکدن اوته یاتگنینی کوره یب میز .افغانستانده حیاتنی یخشی لش اوچون قوریلیش ایشلری آلیب بارلیبتی ،" دیدی باراک اوباما.

"2011 ییل جولای دن باشلب، بیز قوشیمچه کوچلرسانینی قیسقرتیره باشلی میز، لیکن بیز بیرده نگی چراغ لرنی اوچریب ، اوشه کون نینگ اوزیده اویمیزگه قیتمیمیز ،" دییه قوشیمچه قیلدی امریکا جمهور رئیسی .