سرپل ده سیلاو کمیسیوننی خادمی اولدیرلدی

Image caption سرپل ولایتی نینگ پولیسگه کوره، کمیده ایککی کیشی قوراللی شخص لر ملا احمد نی اولدریشگه حصه قوشیشگن.

افغانستان شمالیده گی سرپل ولایتده، نامعلوم قورالی شخص لر، مستقل سیلولر کمیسوننی اعضالریدن بیر کیشینی آتیب اولدرشگن.

اولدرلگن شخص سرپل ولایتده گی رای بیریش مرکزلری نینگ بیریده مسول بولیب ایشله گن. حاضرگه چه اوشبو شخص کیم تمانیدن اولدرلگن لیگی معلوم ایمس، پولیس بو باره ده تیکشرو ایشلری دوام ایته یاتگان لیگی نی ایتماقته.

سرپل ولایتی نینگ پولیس باشلیغی، محمد بلال نیرم گه کوره، مستقل سیلولر کمیسونی اعضاسی اوز اویده آتیب اولدرلگن.

نیرم جنابلریگه کوره ، بیر گروه قوراللنگن شخص لر، ملا احمد اسملی مستقل سیلو لر کمیسیونی اعضاسینی سرپل ولایتی نینگ بوغاوی اوزبیکیه منطقه سیده هلاک ایتیشگن.

سرپل ولایتی نینگ پولیسگه کوره، کمیده ایککی کیشی قوراللی شخص لر ملا احمد نی اولدریشگه حصه قوشیشگن.

سرپل ولایتی نینگ مستقل سیلولر کمیسسونی باشلیغی امان الله فریادی هم اوشبو حادثه نی تصدیق لب ، پولیس کوچلری اولرنینگ اولدرلگن خادم لری قاتل لرینی تاپیشگه وعده بیرگن لیگی نی ایتدی.

حاضرگه چه اوشبو حادثه مسولیت نی هیچ بیر شخص یا گروه اوط ضمه سیگه آلمه گن، سرپل ولایتی نینگ خوف سیزلیک مسوللری ایسه اوشبو حادثه سبب چیلرینی تایپش اوچون جدی سعی و حرکت لرباشله تیلگن لیگی نی ایتشماقته.

سرپل ولایتی سیلو لردن آلدین و سیلو لر جریانیده هم ایرم ناتینچ لیک لرگه شاهد بولگن ایدی.

سیلولر کونی اوشبو ولایت ده بیر کیشی سیلو ناظری نامعلوم قوراللی لر تمانیدن اوغیرلندی و ایرم رای بیریش مرکزلری ایسه راکت هجوملریگه توتیلدی.

هرچند محلی مسوللر، سیلو لر سرپل ولایتده باشقه قوشنی ولایت لرگه نسبتا انچه آسایشته بولیب اوتگن لیگی ایتله دی اما شونگه قره مسدن اوشبو ولایت نینگ ایرم اوزاق و تاغلیک منطقه لریده خوف سیزلیک خواطیرلری سبب لی بعضی رای بیریش مرکزلری آچیلمی قالدی.