آق یول گزیته سی نینگ اوقوچیلری کوپیگن

Image caption آق یول گزیته سی نینگ خرجتی اعضالری وساتیش ارقه لی تولنه دی

آق یول گزیته سی 1388. ه ش ییل ثور آییده کابل بیلیم یورتی نینگ بیر قنچه اوزبیک اوقوچیلری نینگ سعی وحرکتی بیلن اوز نشراتیگه باشله گن. اوشبو گزیته نینگ اوقوچیلری کوپیگنی ایتیله دی.

آق یول گزیته نینگ ایلگری آلیب باره یاتگن لریگه کوره ، بو گزیته اوز صحیفه لریده سیاسی، اجتماعی ، فرهنگی وادبی موضوع لرنی ترقه تیب بارماقده.

آق یول گزیته سی یالغیز پایتخت کابلده چیگره لنیب قالمه ی بلکه میمنه، اندخوی، شبرغان، مزارشریف، تالقان وفیض آباد شهرلریده هم اوز اوقوچیلرینی تاپگن.

کابل بیلیم یورتی نینگ بیرقنچه اوزبیک اوقوچی لری کابلده باشقه تیل لر قطاریده آنه تیل لریگه قندی بیرگزیته نشراتینی کورمه گنلری باعث بو ایش گه قول اورگنلرینی ایته دیلر، بو یاشلرنینگ قیلگن ایشلری ایسه اوزبیک فرهنگی لری ویاشلری نینگ آلقیشلریگه هم سزاوربولگن.

اوشبو گزیته نینگ باش محرری نور احمد یورتداش گه کوره ، اوشبو گزیته نینگ حاضر گه قدر 20. سانیگه چه نشر بولیب اوقوچیلرگه ایتیشگن.

کابل گه یشه یاتگن بیر قنچه اوزبیک یاشلر هم آق یول گزیته سی نینگ فرهنگی فعالیت لرینی ، اوزبیک فرهنگی نی رواجی اوچون اهمیت لی دیب اورغوله ماقده لر.

آق یول گزیته سی نینگ ملازملری اوزبیک تیلیده یازیش گه اونچه اوستا بولمسه هم ، لیکن بو توغریده اوزبیک تیل شناس لری وقلم کشلری نینگ یاردمی بیلن ایلگری بارماقده .

آق یول گزیته سی نینگ ایشگه باشله شیگه بیرقطار یازوچی اینقسه تنیقلی اوزبیک تیلشناس و یازوچی ، عزیز الله ارال نینگ فکری هم اورگه نیلگن.

ارال جنابلری گه کوره ، آق یول گزیته سی نینگ فعالیتی حاضر گی شرایطده گوپ گینه اهمیت گه سزاواربولگن.

آق یول گزیته سیدن تشقری ، بیرقطار باشقه گزیته لر هم باردیرکه مملکت شمال و شمال شرقیده نشرایتیلیب کیلماقده، عین حالده اوزبیک ویبلاگ اویشمه سی و بیر قطار رادیو لر بیلن قوشیمچه ، افغانستانده گی آیینه ، آریانا ، ستاره ، نور ، راه فردا ، آرزو و ملی تلویزیون لری هم اوزبیکچه خبرلر و تورلی برنامه لر ترقه تیب کیلماقده.