پاکستان ناتو تامینات کاروانلرینی توخته تگن

Image caption ناتو تامینات کاروانلریگه قرشی هجوم لر هم پاکستان حدودیده کوپ روی بیریب توره دی.

پاکستان رسمیلری مملکت حدودیدن افغانستانگه اوتووچی ناتو تامینات کاروانلری حرکتنی منع ایتگن.

ناتو تیک اوچرلریدن بیری افغانستان بیلن چیگره ده گی نظارت نقطه لریدن بیرینی هجومگه توتگنلیگی و عاقبتده اوچ عسکر اولدرلگنی حقیده گی خبردن سونگ بو قرار آلینگن.

پاکستان رسمی لریگه کوره ناتو کوچلری هجومی ایرته تانگده کورم منطقه سیده روی بیرگن.

هجومده هلاک بولگنلر ایسه چیگره کوچلری عسکلری دیر.

شو هفته باش لریده اسلام آباد افغانستاندن پاکستان حدودیگه قاچیب اوتگن عصیانچیلرنی ناتو کوچلری اوققه توتگنلیگی دن شکایت قیلگندیلر.

بوگونگی حادثه ده سونگ ایسه شکایتلر آهنگی ینه کوچیدیگن کورینه دی .

ناتو کاروانلری نینگ خیبر داونیده گی اوتیش نقطه سیدن حرکت لری هم توخته تیلگندی، سبب قیلیب خوف سیزلیک وضعیتی دیب ایتلگن.

ناتو پاکستان عسکرلری اولدیرلگنی حقیده گی دعوا لرنی تیکشره یاتگنی حقیده بیلدرگن.

اما تیک اوچر پاکستان حدودیگه اوتمه گن و نشانگه آلینگن عصیانچی لر افغان حدودیده بولگنلیگنی معلوم قیلگن .