طالبلر: تینچلیک قوریلتای ایش بیرمیدی

طالبلر گروهی بیر بیانات ترقه تیب تینچلیک عالی قوریلتای نینگ تتشکیل ایتیلیشینی فایده سیز دیب تاکیدله گن و بوکبی حرکت لر تینچلیکنی مستحکم لش اوچون یاردم بیرمسلیگینی اورغوله گنلر.

شونینگدیک بیاناتده، افغانستان دولتی بیلن مذاکره الیب باریش اوچون ن خارجی کوچلرنینگ چیقیب کیتیشلری اساسی شرط دیب کوره سه تیلگن.

همده بیاناتده حامدکرزی دولتی " اختیار سیز" و خارجیلر گه علاقه دار دیب ادعا قیلینگن.

باشقه تماندن طالبلر، افغانستان دولتی نینگ تینچلیک اوچون بولگن سونگی سعی حرکتلرینی سابق شورا اتفاق کوچلرینی افغانستاندن چیقیب کیتیش زمانیگه تقا س له گن.

اوشبو اعلامیه ده یازیلیشچه آوتگن ییللرده سابق شورا اتفاقی افغانستانده مغلوبیتگه اوچره گن بیرپیت، تینچلیک مسله لرینی الغه سوردیلر، تینچلیک اوچون آلغه سوریله یاتگن سعی حرکتلرنی هم عینی مسله دیب کورستگنلر.

شونگه قوشیمچه قیلیب بیانانده حاضر تشکیل ایتیلگن تینچلیک کینگاشی افغانستان دولتینی ایشی ایمس بلکه امریکا لیک لر ایشی دیب یازیلگن.

همده بوکبی حرکت لر امریکا لیک لرنی افغانستانده مغلوبیتگه اوچره گنینی کورسه ته دیب ایتیلگن.

ایریم سابق جهادی رهبرلر عالی تینچلیک قوریلتای نینگ اعضاسی صفتیده کیرتیلگن، طالبلر بونگه اشاره قیلیب ، اوریشلرگه سبب بولگن کیشی لر تینچلیک پروسه سی نینگ ایلگری الیب باره المیدیلر دیب فکر بیلدیرگنلر.

اوشبو بیانانده قره گنده طالبلر قوراللی لری نینگ سیاستی افغانستان دولتیگه قریشی اوزگرمه گندیر، اما ناتوکوچلری نینگ ملکی سوزچیسی مارک سدول، ایریم طالبلر رهبرلری نینگ مذاکره قیلیشگه تمایل کورستگندیب اورغوله گن.

شونگه علاوه مارک سدول طالبلرنینگ ایریم رهبرلری بیلن علاقه هم قوریلگنینی ایتگن.

افغانستان عالی تینچلیک کینگاشی 68 اعضادن عبارت اولرنینگ 8 کیشی سینی عیاللر تشیکل بیره دی.

افغانستان عالی تینچلیک کینگاش اعضالری جمله سیگه ایریم حکومت خادملری قوشیمچه برهان الدین ربانی، عبدالرب رسول سیاف ، صبغت الله مجددی و محمد محقق کبی سابق جهادی رهبر لرهم موجود بولگن.

شونینگ دیک اوشبو کنیگاشده طالب لرنینگ ایرم سابق یوقاری مرتبه لی شخصیت لریدن مولوی ارسلا رحمانی و مولوی شیر محمد آخند زاده و محمد نعیم کوچی کبی شخصیت لر هم بار.