ناگران لرگه امتیاز بیریله دی

افغانستانده گی ایش و اجتماعی ایشلر همده ناگران و شهید لر وزیرلرینی ، بوندن بیر ییل مقدم شهیدلر و ناگرانلر گه امتیازلرنی بیریش حقوقی خصوصیده گی قانون نینگ اجراگه قویلمسلیگی اوچون پارلمانگه سورراققه توتیلگن .

جوابگرلیککه تارتیلگن وزیر ، بوخصوصده گی قانون نینگ تصدیق لنمه گنی و بو توغریده وزراتگه هیچ قندی معلومات بیرلمه گن دیب ادعا قیلگن.

افغانستان عدلیه وزیرلیگی ایسه ، ایترلی بودیجه بولمه گنچی اوچون بو قانونی آرتگه سوریلگن. اولرگه کوره بو قانون نینگ یقین بیر کیلجکده تصدیق لنیشنی معلوم قیلگن

افغانستان ملی کینگاشی نینگ بیر قنچه اعضا لری گه کوره بوندن بیر ییل آلدین ولسی جرگه تمانیدن ناگران لرگه امتیاز بیریش توغریسیده گی قانون بیلگی لنگن، لیکن حاضر گی کونگه قدر بو قانون نینگ عملی بولیشیدن خبر یوق.

اولر گه کوره ، ناگران لر گه امتیاز بیریش حقوقی ناگران لر نینگ بیر قنچه قیین چی لیک لرینی یینگیل لشتیره دی و اولر گه حکومت نینگ مادی و معنوی حمایه لریدن فایده لنیشگه امکان یره ته دی .

ملی کینگاش وکیله سی حبیبه دانش بوخصوصده شونده ی فکر بیلدیردی.

"بیر قانون بیلگی لنگن دن سونگ نیمه گه تصدیق لنمیدی. اوشبو قانون تصدیق لنمه گنی سببلی ناگران لر نینگ بیر قطار ایشلری آرتگه سوریلگن.بونگه مثال کارت و ییر بولیب بیریش دیر.اگر ییر لرنی ترقه تیش ایشی باشلنگن بولسه هم بو نده ولایت لر ده گی محلی اداره لر نینگ مسول لری اوندن فایده لنگنبیزده بیر قنچه دلیل و حجت لر بارکه اونده فساد بولگن و حرمت لیک وزیرلیک هم اونده همکارلیک قیلگن."

ملی کینگاش ده گی اهالی نماینده لری نینگ سیس لری یوقاری کوتریلیب کیتگچ ،ایش، اجتماعی ایش لر همده ناگران لرو شهید لر وزیری آمنه افضلی بو خصوصده گی قانون هلی گه چه تصدیق لنمه گنی نی ایتیشگه مجبور بولدی .

شوندی بیر حالتده افغانستان عدلیه وزیرلیگی نینگ مسولی سید یوسف علیم بو قانون نینگ عملی بولیشی کیچیک تیریلیشیگه سبب ایترلی بودیجه یوقلیگی دیب ایتگن.

افغانستان ده بیر میلیون دن آرتیق ناگران موجود . بونگه سبب ایسه افغانستان ده ییللب دوام ایتیب کیلگن ایچکی اوروش لردیر .

افغانستان اساسی قانونی نی نینگ 50 نچی ماده سیگه موافق حکومت ناگران لردن حمایت قیلیشگه مجبور، لیکن حاضرگی کونده کوپ گینه ناگران لر قیینچیلیک لر بیلن یوزمه یوز کیلیب یشماقده لر. اولر جمیعتده نه فقط بیران بیر امتیاز گه ایگه بلکی کم سیتیش همده حقارتلر گه دوچ کیلیب یشیدی لر.

ایش سیز لیک همده توشو م سیز لیک اولر دن بیر قنچه سینی تیلم چی لیک قیلیشگه مجبور قیلگن.

حاضر گی کونده کیلیب افغانستان حکومتی بعضی بیر ناگران لر اوچون هر آیی 800 افغانی دالر حسابی بیلن 16 دالر گه تینگ بولگن آیلیک پولی بیریب کیلماقده لیکن شوندی ناگران لر بارکی حتی شو امتیازگه هم ایگه ایمس لر.