قندوز ولایتی حاکمی هلاک بولدی

Image caption قندوز ولایت حاکمی انجنیر محمد عمر تالقان شهریده جمعه نمازنی ادا ایته یاتگن بولگن.

افغانستان رسمی لری نینگ معلوم قیلیشلریچه مملکت شمال شرقیده گی تخار ولایتده مرکزی تالقان شهریده جایلشگن مسجدده یوز بیرگن پارتلش ده قندوز ولایت حاکمی داخل کمیده 15 نفر هلاک بولگن.

قندوز ولایت حاکمی انجنیر محمد عمر تالقان شهریده جمعه نمازنی ادا ایته یاتگن بولگن.

تخار ولایتی خوف سیزلیک خذمتی باشلیغی شاه جهان نوری قندوز ولایتی حاکمی نینگ هلاک بولگنینی تصدیق لشگن و ینه کمیده 20 نفر نینگ یره لنگنینی معلوم قیلگن.

پارتلاوچی ماده لر مسجدگه اورنه تیلگن بولگنی ایتلماقده.

هلاک بولگن لرنینگ اکثریتنی تخار ولایتی عالی اوقویورتی طلبه لریدن عبارت بولگنی ایتلماقده.

کسلخانه ملازم لریگه کوره ایرم یره لنگن لرنینگ وضعیتی یمان لیگیچه قالماقده .

هجوم مسولیتنی حاضرچه هیچ کیم اوز ضمه سیگه آلمه گن.

محل ده گی خوف سیزلیک ملازم لری ، حادثه روی بیرگن مسجد دن اوچ نفر نینگ حبس گه آلینگنینی، تخار ده گی مخبر میز مبین غفوری ایتدی.

اونگه کوره قولگه آلینگن شخص لر مسجد ده گی طلبه و ایشچی لردن عبارت بولگن.

اصلی تخارلیک جناب عمر نینگ جمهور رئیس حامد کرزیگه یقین بولگنی ایتله دی .

بوگونگه قدر بیر نیچه هجومدن امان قالگن محمد عمر اولرنینگ برچه سیده طالبان حرکتی جنگچی لرینی عیب له گن ایدی.

اونینگ ایناغه سی ، یقینده کندوز ولایتی نینگ دشتی ارچه منطقه سیده اولدرلگندی.

افغانستان ده عصیانچی لیک حرکتی اساسا مملکت جنوبی و شرقیده ایکنی خبر قیلنه دی ، بیراق سونگگی دم لرده خو فسیزلیک وضعیتی افغانستان شمالی و شمال شرقیده هم ایزدن چیقه یاتگنی کوزه تیلماقده.

هلاک بولیشی دن بیرهفته اول قندوز ولایت حاکمی انجنیر محمد عمر ، قندوزولایتده گی خوف سیزلیک وضعیت نینگ یمان لشیب باره یاتگنیدن خواطر بیلدریب ، مرکزی دولت دن بو خصوصده جدی راق اعتبار قره تیشنی طلب ایتگندی.