پرچمن ولسواللیگی نینگ رایلری باطل اعلان قیلیندی

شکایت لرنی تیکشروچی کمیسیونی فراه ولایتی نینگ پرچمن ولسواللیگینی رایلرینی باطل اعلان قیلگن.

مسوول کییشلر ایسه سیلاو جریانیده قلاب کارلیک لر یوزبیرگنی باعث اوشبو ولسوال لیک رایلری باطل قیلگندی دیب فکر بیلدیرگنلر.

شونینگ دیک اوشبو کمیسیون مسووللری، ایتیب کیلگن کوپینچه شکایتلرتیکشریلیب شو اساسده افغانستان نینگ باشقه منطقه لریده کی بیرقنچه مرکزلر رایلرینی هم باطل قیلیشیندن خبربیرگن.

شکایت لرنی تیکشروچی کمیسیون مسووللرینی ایتیشلریچه غربی فراه ولایتیدن ایتیب کیلگن شکایت لر انیق تیکشریلگنیدن سونگ اوشبو ولایتگه باغلیق پرچمن تومنی نینگ 31 رای مرکزی نینگ رایلری ناحق اثبات لنیب باطل اعلان قیلنگن.

بولیب اوتگن پارلمانی سیلاوده اوشبو ولسواللیکده 34 رای مرکزی اچیلیشی عنابتگه النگن ایدی، بوندن الدین ایسه اوشبو ولسوال لیک نینگ اوچ مرکز رایلری مستقل سیلاو کمیسیونی تمانیدن باطل اعلان قیلنگن ایدی.

شکایت لرنی تیکشروچی کمیسیون سوزچیسی احمد ضیا رفعت اوشبو ولسواللیکنی بوتون رایلری قنچه بولگنی خصوصیده انیق معلومات بیرمی بوحقده شوندی فکربیلدیردی."جدی یوزبیرگن قانون بوزرلیک لر، قلابی کارتلرندن فایده لنیش، تهدید، اوز کوچیدن فایده لنیش شونینگ دیک رای بیریش مزکزلری نینگ ایشلریگه اره له شیش کبی موضوعلر غیر طبعی رایلرنی صندوق لرگه ییرلشرتریلشگه سبب بولگن" دیب ایتدی رفعت جنابلری.

ایتلیشچه باطل قیلنگن رایلرنی اکثریتی اوزینی فراه ولایتیده نامزد قیلگن افغانستان حکومتی نینگ یوقاری مرتبه لی خادملریدن بیری نینگ ایناغه سیگه تیگشلی بولگن.

مسوول کیشی لر هم او، کیشی نینگ قلاب کارلیک لرگه قولی بارلیگینی رد ایتمه دیلر.

عینی حالده شکایت لرنی تیکشروچی کمیسیون مسوللری افغانستان نینگ تورلی منطقه لریدن ایتیب کیلگن شکایتلرنینگ بیرقسمی کوریب چیقلیب، الیب باریلگن تیکشرولر نتیجه سینی اعلان بولشینی اورغوله دی و شو اساسده بیرقنچه رای مرکزلری نینگ رایلرینی باطل قیلینشی ممکن لیگنی ایتدیلر.

بوندن الدین هم مستقل سیلاولر کمیسیونی 5800 رای بیروچی مرکزلردن 220 مرکز رایلرینی باطل اعلان قیلگن ایدی.

شکایت لرنی تیکشروچی کمیسیونی بولیب اوتگن پارلمانی سیلاوگه عاید اوچ مینگدن ارتیق شکایت لر ایتیب کیلگنینی اورغولب، اولردن کوپ قسمی قلاب کارلیک لرنی نمایان ایتشینی تاکیدله دی.