قندهار عملیاتی ینه اون سککیز آی دوام تارته دی

افغان رسمیلری نینگ خبرقیلیشلریچه عصیانچیلرگه قرشی قندهار ولایتیده یولگه قویلگن عملیات ینه اون سکیز آی دوام تارته دی.

شوندی ایکن جنوبی حدودلره وظیفه آلیب باره یاتگن بریتانیالیک بیر جنرال هم عینی عملیات نینگ کیله جک ییل نی جون ای گه چه دوام تارتشینی اورغوله گن.

افغان رسمیلریگه کوره قریب بیرییل دن بیری دوام تارتیب کیله یاتگن قندهار عملیاتی انچه ایش بیریب کوپگینه یوتوق لرگه ایریشگن.

اولرنی معلوم قیلیشلریچه عملیات لر نتیجه سیده اوشبو ولایت نینگ ژیری، ارغنداب وپنجوای ولسواللیک لریده فعال بولگن اکثری عصیانچی لر یوق ایتیلگن.

قندهار ولایتیده کی اتل ناملی 205 قول اردو سی نینگ قوماندانی جنرال عبدالحمید وردک بی بی سی بیلن بولگن صحبتیده مشترک آتی بیلن یولگه قویلگن عملیات نینگ ینه اون سککیز ای دوام تارتیشینی تاکیدلب بوحقده شوندی دیدی. " کیله جک اون سککیز آی جریانیده جنوبی منطقه لرده مردم نینگ امنیتینی توله تامین لش، عینی حالده اوشبو منطقه لرده محلی شورالر ومحلی پلیس نینگ تشکیل ایتیلیشگه اعتبار قره تیله دی ، همده قتیه قوریش ایشلری تیزلشتریلیب ماین کومیلگن منطقه لرنی تازه لش اوچون جدی ایشلر بوله دی،بوکبی برنامه لرنی عملگه آشریش اون سککیز آیلیک پلان گه کیرتیلگن" دیب ایتدی وردک جنابلری.

افغانستان جنوبیده فعالیت قیلیب کیله یاتگن بریتانیا کوچلری نینگ یوقاری قوماندانلریدن جنرال نیک کارترهم قندهار عملیات نینگ کیله جک میلادی ییل نینگ جون ای گه چه دوام تارتیشی ایتگن.

عینی حالده نیک کارتر یولگه قویلیب کیله یاتگن عملیات نینگ یوتوق لرگه ایرش گنینی اورغوله گن همده او قوشیمچه قیلیب خوف سیزلیک معماسی باعث آلدینلر اهالی نینگ باریب قیتیشی قیند بولگن منطقه لرده باریب قتیش اوچون زمینه یره تیلگنینی معلوم قیلگن

خوب شوندی ایکن بوندن بیرنیچه کون الدین افغانستان مدافعه وزیرلیگی نینگ سوزچیسی جنرال ظاهر عظیمی قندهار عملیاتینی نیچه هفته دن سونگ نهایه تاپشی ممکن لیگنی ایتگن ایدی

قندهارده دوام تارتیب کیله یاتگن مشترک ناملی عملیات قریب بوندن بیرییل آلدین خارجی وافغان کوچلری اشتراکی بیلن یولگه قویلگن.

افغان رسمیلری و خارجی کوچلرایسه اوشبو عملیاتده منطقه یشاوچیلرینی همکارلیگی کوزکورنرلی درجه ده بولگنینی تاکیدله گنلر.