امریکا ، افغانستان نینگ اوچ منطقه سیده حربی قرار گاه توزتگن

Image caption لاتس: افغانستان شمالی حدود لری هم ناتو نینگ تمرکزی گه دیر

آیساف کوچلری اوتگن اوچ آی جریانیده طالبان قرشی سیده کوزگه کورینر لر درجه ده یوتوق لرده قول تاپگن لیگی نی ایته دیلر.

اوشبو کوچلر سوز چیسی گه کوره ، قندهار ارغنداب اولوسوالیگی نینگ 80 فایزی طالبان حضوری دن پاکیزه بولگن عین حالده ، عین حالده جنرال جوزف بلاتس نینگ ایتیشی چه قندهار نینگ سپین بولدک تومنیگه امریکا لیک کوچلری تمانیدن جنگره لر پاکستان دن ایرکین شکلده کیله آلمسلیک لری اوچون بیر حربی قرار گاه آچیلگنی دن هم خبر بیردی.

ایساف کوچلری گه کوره ، امریکا قشونی قندهار دن تشقری ، پکتیا غزنی و خوست حدود لریده هم طالبان پاکستان نینگ میرامشاه و وزیرستان منطقه لریدن کیله آلمس لیک لری اوچون بیر قرار گاه توزه تگن.

شو نینگ دیک ایساف کوچلری نینگ سوزچیسی جوزف بلاتس افغانستان شمالیده طالبان فعالیت لری و اوزبیکستان اسلامی حرکتی دیگن بیر گروه نینگ الدینی آلیش مقصدیده ، قندوز و بغلان ولایت لریده هم امریکا لیک لر بیر قرار گاه توزه تگنینی معلوم قیلدی.

اسیاف کوچلری نینگ سوزچیسی جنرال جوزف بلاتس:

"شورشچیلر خواه له دیلر افغانستان شمالیده اینیقسه قندوز و بغلان ده بیر قنچه تخریبی فعالیت لرنی یولگه قویسه لر. شمال هم بیزنینگ تمرکزیمیزده دیر.

شو نینگ اوچون طالبان فعالیت لری نی قندوز و بغلان گه آلدینی آلیشی ، پولیس و اردو کوچلری نینگ تعلیم بیریشی اوچون امریکا تورت مینگ کوچی نی مستقر قیلگن .

عین حالده آلمان هم 500 کوچی نی اوشبو ولایت لر نینگ تینچلیگی اوچون مستقر قیلگن."

آیساف ملازملری ، جاری میلادی ییل نینگ جولای دن تا سپتامبریگه چه ناتو نینگ خاص کوچلری جنگره لر قرشی سیده 1365 حربی عملیات یولگه قویگن لرینی هم ایتدی لر.

عین حالده اوشبو کوچلر گه کوره ، خارجی کوچلر 1914 عملیات عصیانچی لر نینگ قرشی سیده و قشلاق لر نینگ اونیب اوستیریشی و محلی پولیس لر نینگ تعلیم بیریشی اوچون یولگه قویگن لر.

جنرال بلاتس نینگ ایتیشیچه ، طالب لر نینگ 293 رهبر لری اوتگن اوچ ای جریانیده اولیب و توتیل گن لر عین حالده 2169 طالب کوچلری خارجی کوچلر تمانیدن اوشلب آلینگن.

هرچند ناتو کوچلری نینگ ملازم لری طالبان قرشی سیده کوزگه کورینر لی درجه ده یوتوق لرگه ایریشگن لیگی نی ادعا قیله دیلر اما اوتگن نیچه کون دوامیده ، افغانستان نینگ تورلی ولایت لریده اینیقسه مملکت شمالی حدود لری عصیانچی لر نینگ تخریبی فعالیت لری بیلن یوزمه یوز بولیب کیلماقده.

عصیانچی لر نینگ آخر گی قیلگن کتته فعالیت لری ، قندوز والی سی نینگ تخار ولایتی ده هلاک قیلگنی دیر.