عالی تینچلیک قوریلتای نینگ رییسی تنلندی

پارلمان اعضاسی و افغانستان نینگ سابق جمهورریسی برهان الدین ربانی عالی تینچلیک قوریلتای نینگ رییسی صفتیده تنلندی. طالبلر بیلن مذاکره الیب باریش اوچون قوریلگن اوشبو کینگاش ایسه ایککینچی دور یغیلیشده ریس تنلش اوچون سیلاونی یولگه قویدی. ریاست جمهوررلیک سرای تمانیدن ترقه تیلگن بیاناتده برهان الدین ربانی اوشبو سیلاوده اکثریت آوازنی قولگه کیترتیشی بیلن ریس صفتیده تنلنگنی قید ایتیلگن. بوند الدین بولیب اوتگن مصلحتی تینچلیک کینگاشی نینگ رهبرلیگی برهان الدین ربانی نینگ ضیمه سیگه ایدی. عالی تینچلیک قوریلتای نینگ تشکیل ایتیلیشی هم قوم اقسقاللری اشتراکی بیلن یولگه قویلگن اوشبو مصلحتی تینچلیک قوریلتای نینگ تکلیف لریدن بیری ایدی. عالی تینچلیک قوریلتای 68 اعضادن عبارت بولیب، سابق جهادی رهبرلر، ایریم قوم باشیلغ لری، طالبان گروهی نینگ بعضی بیر سابق اعضالری اوشبو کینگاش نینگ اعضاسی صفتیده تانشتریلگن، شونگه قوشیمچه سککیز عیال وبیرقنچه مدنی جمعیت قوریلمه وکیللری هم اوشبو کنیگاش اعضاسینی تشکیل بیره دی. عالتی تینچلیک قوریلتای نینگ تشکیل ایتیلیشی بیلن مخالف وطالبلر گروهی بیلن مذاکره الیب باریش اوچون ریجه لنه دیگن برچه یول یوروق لر اوشبو کینگاش تمانیدن یولگه قویلیشی کوتیله دی. افغانستان جمهورریسی حامدکرزی عالی تینچلیک قوریلتای نینگ بیرینچی یغینده سوزیورتیب اوشبو قوریلتای نینگ مستقل ایکنینی اورغولب ضرورت بولگن حالده حکومت نینگ همکارلیک قیلیشی ممکن لیگینی ایتگن ایدی. برهان الدین ربانی سابق جهادی رهبرلردن بولیب، مقاومت جبهه بیلن بیرگه ییللرگه طالبان گروهیگه قرشی اورشیب کیلگن ، لیکن سونگی پیتلرده طالبلر بیلن مذاکره الیب باریش اوچون حکومت تمانیدن ایلگری موضوع لردن حمایت بیلدیریب کیلگن. اما شوندی بولسه هم ، کوزه توچیلر ربانی نینگ عالی تینچلیک قوریلتای ریسی صفتیده تنله نیشی طالبلر گروهی نینگ حکومت بیلن مذاکره قیلییشگه رغبت لنتریش مسله سینی بیراز قینرلشتریلیشی ممکن لیگینی اورغولیدیلر. باشقه تماندن ایسه طالبلر گروهی ، افغانستان حکومتی بیلن مذارکه قیلیش اوچون حاضرگه چه هیچ قندی تمایل کورستمه گندیر. طالبلر گروهی ایسه مذاکره قیلیش اوچون افغانستانده کی خارجی کوچلرنینگ چیقیب کیتیشلرینی تاکیدلب کیلماقده لر.