تجارت وزیرلیگی اداره لریده اصلاحات کیلتریش

افغانستان تجارت وزیرلیگی اداره لریده اصلاحات کیلتیریش برنامه سی ینگی دن یولگه قوییله دی.

افغان مقام لری گه کوره اوشبو برنامه یولگه قوییلگندن سونگ ، اداره لرده ایشچی لر سویه سی اساسیده ایشگه آلینه دی و اولرگه یخشی معاش بیریله دی .

تجارت وزیرلیگی نینگ تشکیلات لری تیکشیرلیشی هم اوشبو برنامه نینگ بیر بولیمی بولیب،بو برنامه کیله جک اوچ آی ایچیده افغانستان تجارت وزیرلیگیده یولگه قوییله دی.

مقام لر ایتیشیچه بو برنامه یولگه قوییلگندن سونگ ، ایشچی لر نینگ آیلیگی 5 مینگ دن 30 مینگ افغانی گه چه تعیین ایتیله دی .

افغانستان تجارت وزیرلیگی افغانستان اداره لریده اصلاحات کیلتیروچی مستقل کمیسیون همکارلیگیده آیلیک لر همده رتبه لر برنامه سی نی اوشبو وزیرلیکده یولگه قوییشگه حرکت قیلماقده.

افغان مقام لری گه کوره اینگ اول اوشبو وزیرلیکده گی برچه اداره لر نینگ فعالیت لری اورگنیلیب چیقیله دی و بو اساسده قیسی بولیم لر ده قنچه لیک ایشچی و قیسی معیارده گی مسلکی ایشچی لر گه احتیاج بارلیگی معلوم بوله دی

اوندن سونگ ایش لایحه سی بوییچه ، ایش ایشچی لر گه تاپشیریله دی همده اولر نینگ آی لیک لری خصوصیده جدی قرار لر آلینه دی .

افغانستان تجارت وزیری انورالحق احدی اوشبو وزیرلیکده گی بعضی بیر کم چی لیک لر نی تن آلر ایکن بو برنامه یولگه قوییلیشی بیلن تجارت وزیرلیگی خلقرا معیار لر بیلن تینگ توریشگه امید بیلدیر دی

اداره لر ده اصلاحات کیلتیریش برنامه سی نینگ قولی لیگی شونده کی بوندن سونگ وزیرلیکده گی ایشچی لر معلوم بیر وقت دن سونگ یعنی حاضرگی کونده افغانستان اداره لریده رواجلنگن بیر اصول بوییچه رتبه لری کوتریلمیدی بلکه بوندن سونگ بجریاتگن ایش لری همده ایش ثمره سی بوییچه کوتریله دی .

افغانستان ده ملکی خدمت لر همده اداره لر ده اصلا ح کیلتیریش مستقل کمیسیونی نینگ ریسی احمد مشاهد اوشبو برنامه باشقه وزیرلیک لر ده هم یولگه قوییلگنلیگی دن خبر بیردی

مشاهد جناب لری وزیرلیک لر رهبرلیگی یاردم ی بیلن دولتی اداره لر جدی بیر شکلده تیکشیریله دی .

بوندن تورت آی آلدینگه قدر مالیه وزیری بولیب ایشله گن انورالحق احدی رتبه لر کوتریلیشی همده معاش لر خصوصیده گی برنامه نی اوشبو وزیر لیکده یولگه قویگن لیگی همده بو برنامه یخشی نتیجه بیرگنی نی ایتدی .

احدی جناب لری اوشبو برنامه یولگه قوییلیشی ، تجارت وزیرلیگی نینگ نظارت قیلیش ظرفیتینی آشیریشی همده تجارتی و اقتصادی بولیملرده کی نظارتنی کوچلنتریلیشگه امیدبیلدردی