ربانی :طالبان بیلن مذاکره لرده یانباسیشگه تیار میز

Image caption عالی تینچ لیک کینگاشی رئیسی ، مذاکره لر جریانید هم طالبان و هم افغانستان حکومتی یانباسیش لری ممکن لیگنی ایتدی .

افغانستان عالی تینچ لیک کینگاشی رئیس نینگ ایتیشچه ، افغانستان ده گی زوروانلیکلرگه برهم بیرش اوچون ، طالبان بیلن تینچ مذاکره لرده یان باسیشگه تیار بولیش کیرک.

عالی تینچ لیک کینگاشی باشلیغی صفتیده تعین ایتلگن برهان الدین ربانی ، طالبان و افغانستان حکومتی تمانیدن مذاکره لر اوچون ایلگری سورلگن شرایطنی نهایی بولمه گنی ، اوچره شو لر جریانیده اوزگریشی ممکن لیگنی ایتگن.

برهان الدین ربانی گه کوره ، عالی تینچ لیک کینگاشی ،افغانستان ایچکرسی و یا تشقری سیده طالبان بیلن مذاکره قیلشگه تیار .

طالبان ایسه تینچ لیک مذاکره لری اوچون افغانستان حکومتی بیلن هیچ قندی علاقه قورلمه گنینی ایتیب اوز استک لریگه تاکید لشماقده.

طالبان افغانستان ده گی خارجی کوچ لرنی مملکت دن چیقیب کیتیش لرینی طلب ایتماقده.افغانستان حکومتی ایسه ، طالبان مملکت اساسی قانونینی و موجود ارزش لرنی قبول قیلیشلرینی سوره ب کیلماقده.

عالی تینچ لیک کینگاشی رئیسی ، مذاکره لر جریانید هم طالبان و هم افغانستان حکومتی یانباسیش لری ممکن لیگنی ایتدی .

اوزی نینگ برینچی مطبوعات یغینی ده ربانی جناب لری :"کوچ بیلن معما گه ایچیم یولینی تاپه آلمی میز.دولت نینگ اوزیگه خاص طلبلری بار .بو شرطلر نهایی ایمس .ایتلگن سوز لرده البته که یانباسیشگه تیار ." دیب ایتگن مخبرلرگه .

ربانی جناب لری افغانستان حکومتی ، قیسه ساحه و یا شرط لر خصوصیده یانباسیشگه تیار ایکنی خصوصیده معلومات بیرمه گن .

افغانستان حکومتی حمایه چی سی بولگن خلق ارا هم جمعیت و مدنی جمعیتلر ، طالبان بیلن عملگه اشیرله یاتگن مذاکره لرده سوز ایرکین لیگی و عیاللر حق-حقوقیگه حرمت قوییشلرنی طلب ایتماقده.

اکثریت ، طالبان و افغانستان حکومتی آره سیده گی تینچ لیک مذاکره لر،عیاللر نینگ افغانستان ده گی اجتماعی حضوریگه ییرک تهدید ساله دی دیب خواطر بیلدرماقده.

عینی دمده کابل ده یغین اوتکزگن بیر قطار حقوقی بیرلشمه لر ، طالبان بیلن تینچ لیک مذاکره لریده ،عدالت نینگ آیاق آستی بولیشی دن تشویش بیلدرگنلر.

بو بیرلشمه لرگه کوره ، تینچ لیک مذاکره لری نینگ عملگه آشیرلیشی افغانستان ده عدالت مساله سیگه تاثیر قویمسلیگی کیرک.