معارف وزیرلیگی: کتاب معماسی حل بولماقده

Image caption اوزبیک اوقوتوچیلری اوزبیک تیلیده چاپ ایتیلگن کتابلر سانینی آز دیشه دیلر

افغانستان معارف وزیر لیگی مملکت مکتب لریده 41 ملیون جلد کتاب نینگ چاپ ایتیلیشی دن خبر بیردی.

اوشبو کتاب لر دری و پشتو تیل لریده دنمارک و امریکا اولکه لری نینگ مالی یاردمی بیلن چاپ ایتیلگن .

معارف وزیرلگیگه کوره ، اوشبو وزارت اوزبیکی ، ترکمنی و باشقه اوچینچی رسمی تیل لر نینگ کتاب لری نصابی توزه لگن اما 1390 نچی ییل گه چه چاپ بوله دی.

افغانستان معارف وزیرلیگیگه کوره ، چاپ ایتیلگن 41 ملیون جلد کتاب نینگ مالی خرجتی 20 ملیون دالر بولگن بو مبلغ ایسه دنمارک همده امریکا مملکت لری تمانیدن بیریلگن.

معارف وزیرلیگی نینگ سوز چیسی آصف ننگ نینگ ایتیشیچه ، اوشبو کتاب لر بیرینچی بولیب مملکت نینگ ایسیق ولایت لریده گی اوقوچی لرگه ترقه تیله دی کیین چه لیک ایسه مملکت نینگ قالگن ولایت لریده ینگی ییل گه چه معارف وزیرلیگی تمانیدن ترقه تیله دی.

ننگ جنابلری گه کوره ، ممکلت نینگ اوچینچی رسمی تیلی صفتیده تانیلگن تیل لر گه هم 32 عنوان کتاب 1390 نچی ییل گه چه چاپ دن چیقریله دی.

معارف وزیرلیگی نینگ ملازم لریگه کوره ، اوزبیکی و ترکمنی تیل لریگه چاپ ایتیلگن درسی کتاب لر 1387 نچی ییل گه چاپ ایتیل گنی اوچون حاضر گه چه استهلاک زمانی ایتیش مه گن.

معارف وزارتی نینگ ملازم لری ، اوزبیکی ترکمنی و شونگه اوخشه گن باشقه اوچینچی رسمی تیل لرنینگ تعلیمی نصابی گه اساسی اوزگریش لر کیلگنینی ایتیب ، اوشبو کتاب لرگه مدنی ارزش لر نظرگه توتیلگن دیب اورغو له یدیلر.

"قیینچلیک بو ییرده کیم بیز گه اوچینچی تیل لر نینگ اوقوتوچی لری یوق.

بیز اوزبیک لر یشه یاتگن اوزبیک منطقه لرده اوزبیک استاد لریمیز یوق. ترکمن لریشه یاتگن منطقه لرده ترکمن اوقوتوچی میز یوق شو نینگ دیک گوجری و پامیری تیل لریده هم شو ترتیب گه استادی میز یوق.

ایندی بیز گه ، اوشبو تیل لر نینگ اوقوتوچیلری نینگ تکمیل و تربیه قیلیشی میز لازم. دیب ایتدی معارف وزیرلیگی نینگ سوز چیسی محمد اصف ننگ."

اما بو حالتده قرگنده ، معارف ساحه سیده حصه قوشگن همده اوزبیک تیلی و ادبیاتی اوقوتوچی سی محمد کاظم امینی معارف وزیرلیگی تمانیدن اوزبیکی تیلی و باشقه اوچینچی رسمی تانیلگن تیل لرنی تینگ لشنی نا توغری دیب ، چاپ گه تیار بولگن درسی اوزبیکی کتاب لر نینگ متخصص بولمه گن کیشی لر تمانیدن توزه تیلگنی نی ادعا قیله دی.

کاظمی جنابلری گه کوره ، افغانستان حکومتی اینیقسه معارف وزیرلیگی افغانستان اوزبیک اوقوتوچی لری نینگ سویه لری نی یوقاری ایلتیش مقصدیده هیچ بیر زمان اوزبیکستان اولکه سیدن یاردم ایسته مه گن عکسینچه ، پشتو تیلی نینگ اونیب اوستیریشی اوچون ، پاکستان ده یولگه قوییلگن ایریم برنامه لر گه حصصه قوشه دی.

باشقه تماندن ، معارف وزیر لیگی نینگ ملازم لرگه کوره ، اوشبو وزارت تمانیدن یولگه قوییلگن برنامه لر اساسیده اوچینچی تیل لر نینگ اوقوتوچی لری و تعلیمی نصاب لری معیاری شکلده توزه لیشی اوچون ییتی ییل زمان کیره ک.

معارف وزیرلیگی ، مملکت نینگ اوچینچی تیل لری خصوصیده ایشلش ریجه لری فقط گینه داود خان حکومتی گه کوزده توتیلگن لیگی نی ایتیب ، اوتیز ییل قره مه قرشیلیک لر نینگ دوامی اوشبو تیل لر گه کوپ گینه زیان ایتکیزگنی نی هم معلوم قیلدی.