کرزی: دنیا اوز منفعتی اوچون افغانستان گه کیلگن

Image caption جمهور رییس کرزی ، افغانستان طبعی منبع لرینی کوپ ایتیب، اوشبو کانلرگه دنیا نینگ کوز قره تگنی نی هم ایتدی.

افغانستان قشلاق لری رواجلنتیریش نینگ اوچینچی کنفرانسی مملکت جمهور رییسی نینگ قتنه شیشی بیلن یولگه قویلدی.

اوشبو یغین ده افغانستان جمهور رییسی ، سوزگه چیقیب ، مملکتده خارجی لرنینگ اون ییل دن بیری حضورلرینی اوز مقصد لری اوچون بولگن لیگی نی دیشیب ، خلق دن اوشبو خارجیلرنینگ حضوری دن مملکت نفع گه سود ایلتیشینی سوره دی.

جمهور رییس کرزی ، مملکت قشلاق لری نینگ رواجلنتیریش کینگاشی گه قیلگن صحبتیده ، افغانستان کوپ گینه طبیعی کانلرگه ایگه بولگنینی معلوم قیلیب اوشبو طبیعی منبع لردن فقط گینه افغانلر فایده آلیشی نی اورغوله دی.

جمهور رییس کرزی افغانستان قشلاق لری رواجلنتیریشی نینگ اوچینچی کنفرانسی ده بیرساعت گه یقین سوز یوروتیب ، مملکت نینگ قیزیق مسئله لری خصوصیده ، کوپراق کوز قره تدی.

کرزی جنابلری قشلاق لر رواجلنتیریشی نینگ برنامه لری موفقیت لی دیب ، اونینگ دوام تارتیشی نی ایسته دی.

باشقه تماندن کرزی جنابلری ، مملکت قیته قوریش و قشلاق لر نینگ رواجلنتیریش برنامه لرینی تینچلیک نی یخشی شکلده تامین قیلیشی بیلن موفقیت گه ایگه بولیشی نی هم ایتدی.

جمهور رییس کرزی گه کوره ، تینچ لیک نی برقرار قیلیش اوچون حکومت نینگ سعی و حرکتی کوزگه کورینر لی درجه ده نتیجه لر گه ایریشگن .

کرزی جنابلری ، تینچلیک نی برقرار قیلیشیگه حکومت بیلن یاردمچی بولیش لری نی ایسته دی.

جمهور رییس کرزی گه کوره ، خلق حاضر گه چه هم دولت لریگه اعتماد سیز عین حالده ایچکی و تشقی خوف سیز لیک کوچلری بیر قنچه ولایت لرده خلق نینگ اذیت قیله دیلر.

افغانستان جمهور رییسی حامد کرزی نینگ اوشبو سوز لریگه قرگنده ، مملکت نینگ کوپ گینه حدود لریده ، خلق ، نیچه ییل دن بیری ، محلی کوچلی شخص لر و طالب عصیان چی لری نینگ اذیت لری بیلن یوزمه یوز لر.

قندوز ولایتیده طالبان عصیانچی لری ، اهالی دن زوراوانلیک بیلن ، صدقه شکلده پول آله دیلر. عین شو ادعا باشقه ولایت لرده هم موجود.

بوحالتده قره مسدن ، کرزی جنابلری ، خارجی کوچلر نینگ اوز منفعت لری اوچون افغانستان موجود بولگن لری نی ادعا قیلیب ، افغانستان دنیا سیاسی قدرت لری نینگ 20 نچی قرن گه بیله شو میدانی دیب ایتدی.

کرزی جنابلری گه کوره ، اوشبو مملکت ، بوتون اولکه لر بیلن شونده ی یانداشیشی کیره ک کی ،بوندن سونگ باشقه مملکت لر نینگ قربانی بولمه سه.

جمهور رییس کرزی ، افغانستان طبعی منبع لری کوپ لیگی نی اورغولب ، اوشبو کانلرگه دنیا نینگ کوز قره تگنی نی هم ایتدی.

کرزی جنابلری گه کوره ، افغانستان نینگ آسایشته ایریشیشی ، فقط گینه اولکه نینگ فرزند لریگه تعلیم و بیلیم زمینه لری یره تیلیشی بیلن ممکن.

ملی بیرلیک برنامه سی افغانستان حکومتی نینگ قشلاق لرنینگ رواجلنتیریش برنامه لریدن دیر. اهالی گه کوره ، اوشبو برنامه قیته قوریش و عامه آسایشته لیگی بولیم لریده موفقیت لرگه ایگه بولگن.

مملکت قشلاق لری نینگ رواجلنتیریش برنامه لری اوچون ، نیچه ییل جریانیده یوزلب ملیون دالر صرفلنگن. اوشبو هزینه دنیا هم جمعیت مملکت لری نینگ یاردم لری بیلن یولگه قوییلگن.