افغانستان شمالیده امنیت خواطرلری

افغانستان مدافعه وزیرلیگی گه کوره افغانستان شمالی حدود لریده نا قرار لیک لر نینگ آشیب باریشیده خارجی عصیانچیلرهمده القاعده نینگ رولی کتته دیر.

افغانستان مدافعه وزیر لیگی سوزچی سی گه کوره بوندن کیین امنیتی کوچ لر نینگ توجه سی اوشبو اولکه نینگ شمالی منطقه لریگه قره تیلگن بوله دی .

افغانستان نینگ جنوبی منطقه لریده نسبی امنیت قیته یاتگنی دن خبر بیری لر ایکن ، نا قرار لیک لر بولسه اوشبو اولکه نینگ شمالی حدودلریده یاییلیب باره یاتگنی خواطرلرنی توغدیرگن.

افغانستان مدافعه وزیرلیگی گه کوره اوشبو منطقه لر ده یوزه گه چیق گن نا قرار لیک لرگه خارجی عصیان چی لر همده القاعده گروهی نینگ رولی بار.

افغانستان مدافعه وزیر لیگی نینگ سوزچیسی جنرال ظاهر عظیمی افغانستان شمالی ده عصیان چی لر گه قرشی عملیات لر یولگه قوییلگن لیگینی اورغوله دی.

باشقه تماندن عظیمی جنابلری افغان کوچ لری باش چی لیگیده قندهار ولایت نینگ پنجوایی ولسوال لیک لریده گی ژری و ارغندابده یولگه قویلگن عملیات لرنی افغانستان ده عصیان چی لر گه قرشی بولگن اینگ یخشی عملیات لر دن دیب ایتدی .بونگه سبب عملیات جریانیده اهالی نینگ همکار لیگی دیب قوشیمچه قیلدی.

مدافعه وزیرلیگی سوزچی سی قندهار عملیاتی عادی اهالیگه جدی ضررایت مسلیک وعادی اهالینی نی حمایت قیلیشده مثال بوله آلیشینی ایتیب باشقه نا قرار اولکه لر گه هم بو ندی عملیات نی قویلیشینی ایتدی .

جنرال عظیمیگه کوره افغان امنیتی کوچ لری امنیت نی قولگه آلیش اوچون اینگ یخشی حالتده تیار لیگی نی ایتیب بو کوچ لر بیر نیچه ولایت لر ده بو پروسه نی یولگه قوییشگه تیار دیر.

افغانستان مدافعه وزیرلیگی نینگ سوز چیسی گه کوره کابل امنیتی نی مسوولیتینی افغان کوچ لریگه بیریش، عملی شکلده باشلنگن ، بعضی بیر ولایت لر نینگ ولسوال لیک لریده ایسه فقط افغان کوچ لری نینگ حضوری بار.

افغانستان مدافعه وزیرلیگی اوشبو اولکه امنیتی کوچ لری نینگ موفقیتی دن سوز یوریتر ایکن خارجی عصیان چی لربولسه بو اولکه ده نا قرار لیک لر کیلتیریش اوچون اوز فعالیت لری نی افغانستان نینگ شمالی حدود لریده اله قچان یولگه قویگن.

باشقه بیر تماندن ایسه افغان و خارجی کوچ لر نینگ عصیان جی لر بیلن کوره شیشی آرتیب بارماقده .

نا قرار لیک لرگه بر هم بیریش اوچون حرکت لر دیپلوماتیک همده مزاکره لر یولی بیلن دوام ایتماقده .افغانستان دولتی تمانیدن تینچلیک عالی کینگاشی نینگ توزیلیشی شو مقصد بیلن دیر .