لورا بوش: افغان عیال لرنینگ حق لری اونیتیلمسلیگی کیره ک

Image caption خانم بوش ، افغانستانده گی اوریش خصوصیده جورج بوش نینگ سیاستی دن حمایت قیلگن.

خانم بوش نینگ فکری چه ، افغانستان گه هیچ کیم طالب لر حکومتی قیتیب کیلیشی نی ایسته مه دی.

امریکا سابق جمهور رییسی جورج بوش نینگ عیالی لورا بوش نینگ ایتیشیچه ، طالبان بیلن مذاکره قیلیش اوچون افغانستان عیال لری نینگ حق لری ایاق آستی بولیشی کیره ک ایمس.

خانم بوش اوشبو سوز لرنی بی بی سی تلویزیونی نینگ فارس خذمتی گه بولگن صحبتیده بیان ایتگن.

امریکا قدیمکی جمهور رییسی نینگ عیالی ، افغان خاتین قیز لری گه تعلیمی و اقتصادی بولیمیده یاردم بیروچی بیر تشکیلات آرقه لی ، فعالیت قیلماقده.

لورا بوش ، اوشبو مصاحبه ده ، افغان عیال لری نینگ حق لری اونوتیلمسلیگیگه تاکید له گن.

خانم بوش ، افغانستانده گی اوریش خصوصیده جورج بوش نینگ سیاستی دن حمایت قیلگن.

اونگه کوره ، اگرده جورج بوش بو ایش نی قیلمه گنده ، افغانستان هلیگه چه ، طالبان قولیده بولیب ، افغان عیال لری تعلیم کوره آلمه ی ، اوی جای لریدن چیقه آلمه گن بولر ایدیلر.

لورا بوش نینگ ایتیشیچه ، افغانستان خلقی اوشبو اوریش نتیجه سیده ، ایرکین بولیب ، ایندی بولسه ، افغانستان نینگ توزه تیشی افغان لر ضمه سیگه دیر.

خانم بوش نینگ فکری چه ، (افغانستان گه هیچ کیم طالب لر حکومتی قیتیب کیلیشی نی ایسته مه دی.) افغانستان طالبان حکومتی دوریده ، خاتین لر و باله لر نینگ اولیش لری نینگ رقمی کوپه یگن ایدی.

امریکا سابق جمهور رییسی نینگ عیالی گه کوره ، افغانستانده طالب لر اعضا سی کوپ ایمس اونگه کوره ، عکسینچه ، طالب لرگه قرشی بولگن و اوز یورت لری نینگ قیته قوریشیگه اینتیلوچی شخص لر انچه کوپ.

ناتو ملازم لری سونگی پیت لرده ، افغانستان دولتی و طالبان گروهی مابینیده ، علاقه لر نینگ تامین قیلیشیگه یاردم بیرگنی نی ایتگن.