تاجکستان جمهور رییسی نینگ کابلگه سفری

تاجکستان جمهور رییسی امام علی رحمان بو مملکت بیر قنچه یوقاری مرتبه لی ملازم لری بیلن ، بوگون کابل گه سفر قیلگن.

رحمان جنابلری بوگون افغانستان جمهور رییسی حامد کرزی بیلن اوچره شیب ، کیلگن هیئت لری آرقه لی همکارلیک آلتی موافقت نامه هم افغانستان بیلن امضا بولدی.

اوشبو کیلیشو لر ، ایککی اولکه آره سیده ، ترانزیت ، تجارت همکارلیک لری ، مخدره ماده لر قاچاقی نینگ آلدینی آلیش و فرهنگی بولیم لریده امضا بولدی.

امام علی رحمان و حامد کرزی جنابلری ، افغانستان و تاجکستان آره سیده ، رابطه لر کینگه یشی نی اورغوله ب ، بو اولکه لر آره سیده ، همکارلیک لر دوام تارتیشی نی هم معلوم قیلدیلر.

تاجکستان جمهور رییسی نینگ سفری کابلده شونده ی بیر حالتده صورت تاپگن کیم ، بو مملکت افغانستان نینگ یقین حدود لریده ، عصیانچی لر نینگ بیر قنچه فعالیت لری بیلن یوزمه یوز بولگن.

افغانستان ، تاجکستان بیلن، بیر یریم مینگ کیلو متر گه یقین چیگره سی بار.

اوشبو ساحه لردن نیچه ییل جریانیده ، مخدره ماده لر نینگ قاچاقی و تروریست لر نینگ اوتیب قیتیشی ایتیله دی. اما تاجکستان جمهور رییسی بو باره ده مطبوعات طریقیدن ترقه تیلگن تبلیغ لرنی یلغان دیشیب ، عصیانکار کیشی لر افغان ایمس بلکه تاجکستان و سابق شوروی خلقی دیر دیب ایته دی.

رحمان جنابلری ، اورته آسیا وضعیتی و تینچلیگی ، افغانستان تینچلیگیگه باغلیق بولگنینی هم ایتدی.

عین حالده افغانستان جمهور رییسی هم تروریزم گه قرشی کوره شیش اوچون تاجکستان بیلن یاردم بیریش گه تیار لیگی نی اورغو له دی.

" افغانستان بو خطر لردن آگاه ، اوشه کوندن بیری که تاجکستان گه بیرقنچه حادثه لر یوز بیردی ، تیزلیک بیلن اوشه کون ایناغه لریمیز بیلن تماس آلدیک ، و ایککی اولکه آره سیده سفر لر هم یولگه قوییلدی و بوگون هم بو باره ده گپله شدیک ، همده بو خصوصده هر قنده ی همکارلیکگه حاضر میز دیب ایتدی حامد کرزی جنابلری"

تاجکستان جمهور رییسی دن استقبال قیلیش اوچون ، کابل بلدیه سی تمانیدن ، کابل هوا قونالغه سی سرکی و بیر قنچه حدود لرده ایککی کون دن بیری ، هر ایککله اولکه نینگ بیرق لری آسیلگن. عین حالده ، خوف سیز لیک کوچلری هم بو ساحه لرده تینچلیک نی سقله ش اوچون جدی شکلده ، تدبیر آلگن لر.