افغانستان فسادگه باتگن اوچینچی مملکت

Image caption فسادگه قرشی موجود اصول و قانون لر هربیر اولکه ده کوچیتریلشی لازم

خلق ارا شفافیت تشیکلاتی تمانیدن آلیب باریلگن ینگی تیکشرو نتیجه سیده افغانستان مملکتی فساد نقطه نظردن اوچینچی اورینگه تورگنی کوره سه تیلگن.

اوشبو تشکیلات تمانیدن ترقه تیلگن حساباتده اوریش گه گواه بولگن اولکه لر جهان بویلب اینگ فاسد مملکت لر دیه معلوم قیلینگن.

گزارشده یازیلیشچه افغانستان مملکتی سومالی وبرمه مملکتلریدن کیین اینگ فاسد مملکت دیر، همده عراق مملکتی فساد نقطه نظردن تورتینچی اورینگه تورگنی ایتیلگن.

خلق ارا شفافیت تشکیلاتی نینگ مسووللری ایسه اوشبو حسابات جهان بویلب بیریوزیتمیش اولکه لرگه اوتکززیلگن تیکشرولرگه ماس تیارلنگنینی ایتگنلر.

اوشبو نادولت تشکیلاتی 1993 میلادی ییلده قوریلیب، دنیا بویلب هربیر اولکه ده فساد سطحی قیسی درجه ده تورگنینی تیکشریش تشکیلات نینگ اساسی بورچی بولگن.

تشکیلات اوز حساباتیده " جامعه نینگ کم بغل وجبرله نوچی بولیم لر اوز اولکه لریده فساد معماسیدن باشقه بولیم لرگه نسبتاً کوپراق جبر کوریشلرینی " ایتگن.

خلق ارا شفافیت تشکیلاتی نینگ یوقاری خادملریدن هوگوتی لبلی، فساد یوزه سیدن آلیب باریلگن تیکشرونتیجه سی قره گنده جهان بویلب دولتی اداره لرنی یخشی لشتریش اوچون ایجابی ایشلر بولیشینی تاکیدله گن.

خانم لبلی گه کوره " فسادگه قرشی موجود اصول و قانون لر هربیر اولکه ده کوچیتریلشی لازم ".افغانستان دولتی کینگ کولمده فساد نینگ نادولت ودولتی اداره لرده موجود لیگینی تن آله دی.

عینی حالده ، فسادگه قرشی کوره شیش دولت نینگ اساسی برنامه لردن بیرینی تشکیل بیره دی،لیکن خلق ارا شفافیت تشکیلاتی تمانیدن جیقاریلگن سونگی حسابات گه قره گنده ایسه افغانستان دولتی تمانیدن فسادگه قرشی یولگه قویلگن برنامه لر اونچه لیک ایش بیرمی موجود فساد افغانستان نینگ اساسی معماگه ایلنگن.