جنرال داود: شمال وضعیتی یخشی بولماقده

افغانستان پولیس ملازم لری ، مملکت شمالی حدود لریده جایلشگن یوزدن آرتیق عصیانچیلر نینگ دولت گه قوشیلیشینی اعلام قیلدیلر. اوشبو طالب عصیانکارلری ، مملکت خوف سیز لیک کوچلری نینگ حربی باسمی و ملی تینچلیک کینگاشی نینگ سعی و حرکتلری نتیجه سیده ، تخار ، قندوز ، بغلان ، سرپل و فاریاب ولایت لریده ، دولت گه قوشیلگن لیگی ایتیلماقده. عین حالده ، ایچیکی ایشلر وزیرلیگی ، اوتگن بیر آی جریانیده ، 229 عادی اهالی ، 114 پولیس کوچلری و 587 طالب عصیان چیلری مملکت ایریم حدود لریده ، توقنه شو لر عاقبتیده ، هلاک بولگن لر دیب اورغوله یدی. افغانستان شمالی حدودیده گی پولیس قوماندانی جنرال محمد داود داود ، مملکت شمال و شمال شرقی حدود لریده ، خوف سیز لیک وضعیتی یخشی تمانگه کیته یاتگنینی اورغوله ب ، اوشبو وضعیت نینگ یخشی تمانگه کیتیشینی مملکت خوف سیز لیک کوچلری و آیساف قوتی نینگ قوشمه حربی عملیات لری نتیجه سیده صورت تاپگنینی ایتدی. جنرال داوود جنابلری بونده ی دیدی: "خوف سیز لیک وضعیتی ، اوتگن نیچه آی گه قرگنده ، انچه یخشی بولگن. بیزنینگ تیکشیرو لریمیز گه قرگنده ، طالبان گروهی نینگ یولگه قویه دیگن هجوم لری ، اوتیز فایز کمیگن. اوتمیشلرگه قرگنده ، شمالگه قوشیله یاتگن ایککی مهم یول یعنی ، بغلان _ قندوز یولی و پلخمری دن مزار و حیرتان گه چه ، خوف سیز لیک وضعیتی یخشی بولگن اینیقسه اوتگن بیر آی دن بیری ، هیچ قنده ی خوف سیز لیک بو یول لرده یوق." عین حالده ایچکی ایشلر وزیرلیگی هم اوتگن بیر آی جریانیده پولیس تمانیدن یولگه قوییلگن فعالیت لرنی بیان قیلدی. اوشبو وزارت سوز چیسی زمری بشری نینگ ایتیشیچه ، اوتگن بیر آی جریانیده ، 447 کیشی عصیانچیلیک فعالیت لری اتهامی گه پولیس تمانیدن توتیلیب ، یول چیکه سیگه اورنه تیلگن 457 ماین هم اورته دن ایلتیلگن. بشری جنابلری نینگ ایتیشیچه ، ایچکی ایشلر وزیرلیگی نینگ تروریز و جنایی جرم لر گه قرشی کوره شیش برنامه لری اوتگن بیر آی گه قرگنده ، اون فایز کمیگن بیراق ، عصیانچیلر نینگ خارجی و افغان کوچلری گه یولگه قوییلگن قرشی هجوم لری ، عادی اهالی نینگ تلفاتی اون بیش فایز کوپه یگن. عین حالده ، ایچکی ایشلر وزیر لیگی نینگ ملازم لری گه کوره ، پولیس تلفاتی هم اوتگن آی گه قرگنده ، 7 فایز کمیگن. معلومات لرگه کوره ، طالبان گروهی ، و القاعده ترماغی نینگ ایچکی و تشقی یوقاری مرتبه لی اعضا لری ، اوتگن نیچه آی دن بویان مملکت شمال و شمال شرقی حدود لریده ، عصیان چیلیک فعالیت لرنینگ اوشبو منطقه لرده ، کوپه یتیریش مقصدیده جایلشگن لر. هرچند افغانستان و تشقی خوف سیز لیک ملازم لری ، مملکت نینگ ایریم حدود لرده اینیقسه مملکت شمالیده ، خوف سیز وضعیتی یخشی بولگنینی ادعا قیلماقده لر اما بیر قنچه ایش بیلرمانلر ایسه ، شمال و شمال شرق ولایت لری نینگ امنیت وضعیتی یمان بولیب کیلیشی نی ادعا قیله دیلر.