کابل ده ناتو کاروانیگه قرشی هجوم

Image caption بوندن الدین هم عینی منطقه ده ناتو کاروانیگه قرشی هجوم اویشترلیب بیرنیچه نفر خارجی عسکرلر و وانلب عادی اهالی هلاک بولگندی

کابل پولیسی گه کوره جمعه کونی روی بیرگن خودکش هجومی نتیجه سیده بیرنفر افغانستان لیک و بیرنفر خارجی عسکر یره لنگن و عادی اهالیگه هیچ قندی ضرر ایتمه گن .

پولیس رسمی لری نینگ معلوم قیلیشچه انتحارچی شخص ، پارتلاوچی ماده لر یوکلنگن موترینی کابل جنوب غربیده گی دارلامان سرایی منطقه سیدن اوته یاتگن ناتو کوچلری کاروانی یانیده پارتلتگن.

نانوکوچلری تمانیدن ترقه تیلگن بیاناتده کیلیشچه ، پارتلش یول کناریده اورنه تیلگن بمب پارتلشی عاقبتیده روی بیرگن.

ناتو رسمی لری، بیرنفر خارجی عسکر نینگ یره لنگنی خصوصیده گی خبر توغری سیده معلومات بیرمی ، روی بیرگن واقعه تفصیلاتنی کیین راق آچیقلشنی معلوم قیلگن .

ناتو گه کوره پارتلش خارجی عسکر لرنینگ منطقه ده گی قرارگاهی یانیده روی بیرگنینی ایتکن.

عینی دمده ناتو کوچلری ، بیرنفر خارجی عسکر نینگ مملکت غربیده طالبان عصیانکار لرنینگ هجومی عاقبتده جان تسلیم ایتکنینی معلوم قیلگن .

هلمند ده طالبان اولدیرلدی

امریکا ایتکچیلیگی آستیده فعالیت قیله یاتکن اتفاق کوچلری مملکت جنوبیده گی هلمند ولایتده کمیده 15 نفرطالبان عصیانکارلرنینگ اولدیرلگنینی خبر قیلگن .

اتفاق کوچ لرنینگ کابل ده گی وکیلیگی تمانیدن ترقه تیلگن بیاناتده کیلیشچه عصیانکارلر هلمند ولایتی نینگ سنگین ولسوالیگی ده هلاک بولگن.

طالبان عصیانکارلری نینگ، منطقه ده گیزمه قیله یاتگن امریکا لیک عسکر لرگه قرشی هجوم اویشتریش آرتیدن هلاک ایتلگنینی ، اتفاق کوچ لری معلوم قیلگن .

اعلامیه ده کیلیشچه اتفاق کوچلری طالبانگه قرشی هوایی هجوم لرنی هم عملگه آشیرگنلر.

اتفاق کوچلریگه کوره توقنه شو لرده اولردن هم تلفات بولگن بیراق بوخصوصده کوپراق معلومات بیرشمه گن.