جلال آباد هوا قونالغاسیده عصیانچیلر هجوم اویشتیرگنلر

محلی رسمیلر افغانستان شرقیده جایلشگن جلال آباد هوا قونالغاسیده طالبلر عصیانچیلریگه علاقه دار انتحارچیلرنینگ هجوم قیلگنیدن خبربیرگن لر.

بی بی سی نینگ جلال اباد شهریده کی مخپری نینگ ایتیشچه ایرته لب محلی وقت بیلن ساعت بیش یریمده پارتلش سیسی ایشتیلیب کینچه لیک اوقلر سیسی چیقه باشله گن.

اونی معلوم قیلیشیچه، تیک اوچر لرهم عصاینچیلرنی نشانگه الیش اوچون عملیات یولگه قویگن.

جلال آباد هوا قونالغاسیده امریکا لیک حربی لر هم موجود بولگن.

ننگر هار ولایتی نینگ ولایت حاکمی سوزچیسی احمد ضیا عبدل زی هجومچ لرسانینی التی کیشی ایکنینی معلوم قیلگن.

اونگه کوره اوشبو عصیانچیلر هوا قونالغاسیده کی پلیس قرارگاه لریدن بیریده هجوم قیلیب، هوا قونالغاسی ایچکریسده کیریش نیتیده ایکن.

اونی معلوم قیلیشیچه ایککی انتحارچی شخص پلیس قرارگاه سی یقینده اوزینی پارتلگن وباشقه قالگن تورت قوراللی عصیانچی ایسه افغان امنیتی کوچلری تمانیدن نشانگه آلنیب هلاک ایتیلگن.

عینی حالده ناتو کوچلری بیربیانات ترقه تیب، قوراللی عصیانچیلر تمانیدن افغان وناتو عسکرلریگه اوق اچیلیگنینی تصدیق له گن ، لیکن بیاناتده اوشبو عصیانچیلرگه قرشی افغان وناتو کوچلری تمانیدن یولگه قویلگن هجومده سککیز عصیانچی نینگ قربان بولگنی معلوم قیلینگن.

ناتوکوچلریگه کوره هجومچیلردن بیری انتحاری واسکت بیلن جهازلنگن ایکن.

اما اوزینی طالبلر گروهی سوزچیسی دیب تانشترگن ذبیح مجاهد هجومچی لر سانینی اون تورت کیشی دیب ، اولرنینگ اوز هدف لریگه ایرشگنینی ایتگن.

شونینگ دیک ذبیح الله مجاهد اوشبو حادثه ده افغان وناتوکوچلریگه جانی تلفات ایتکزیلگنینی ادعا قیلگن.

لیکن محلی رسمیلر بوکبی ادعالرنی رد ایتگن.

بوندن قریب بیرییل الدین هم طالبلر عصیانچیلری جلال آباد هوا قونالغاسی نینگ راکت اوقلری بیلن نشانگه آلگن ایدیلر.