هلمند ولایتیده ناتو نینگ ینگی عملیاتی باشلندی

ناتو کوچلری هلمند ولایتیده ، طالبان گروهی نینگ کوچسیز قیلیش مقصدیده ، امید4 ناملی عملیاتنی باشلگنیدن خبر بیرگنلر.

خلق ارا کوچلر نینگ کابلده گی قوشمه قوماندانلیگی بوگون بیر بیانات آرقه لی ، اوشبو عملیات باشلنیشینی هلمند ولایتی نینگ نهر سراح منطقه سیده افغان کوچلری نینگ رهبریتی بیلن ایرلندلیک کوچلری تمانیدن ریجه لنگنلیگی نی ایتگن لر.

هلمند ولایتیده ، افغانستان ملی اردو سی نینگ قوماندان لریدن محمد طاهر ، نهر سراج منطقه سی نی گرشک اولوسوالیگی اوچون انچه مهم موقعیت بولگنی نی ایتگن. محمد طاهر گه کوره ، "اگرده ملی اردو کوچلری اوشبو منطقه ده ، کوچلی شکلده حضور لری بولسه ، گرشک اولوسوالیگی نینگ خوف سیز لیک وضعیتی یخشی بولیب همده طالبان گروهی نینگ باریب کیتشی نینگ آلدینی آله دی"

گرشک ، هلمند ولایتی نینگ اینگ مهم بولگن اولوسوالیک لریده تانیلگن.

ائتلاف کوچلری نینگ قوماندان لریدن آشلی هوگ ، افغان کوچلری عملیات نینگ بیرینچی کونیده ، سیدان ناملی بیر قشلاقنی قولگه کیلتیریب او ییردن ، کوپ گینه بمب توزه تیش اسباب اسکونه لر هم کشف قیلگن لر.

عصیان چیلر اوشبو بمب لرنینگ ، یول چیکه سیده اونه تیب ، افغان و خلق ارا کوچلری نینگ قرشی سیده فایده لنه دیلر.

خلق ارا کوچلری قوماندانلیگی نینگ مرکزی گه کوره ، اوشبو عملیات جریانیده ، یول چیکه سیده اورنه تیل گن بیر بمب پارتله یشی نتیجه سیده ، ملی اردو نینگ نیچه عسکری یره دار بولگن لر.

عین حالده ، ائتلاف کوچلری ، هلمند ولایتی نینگ ناوه اولوسوالیگیده پی طالبان گروهی نینگ قوماندانی نی اوشلب آلگنی نی هم خبر بیرگن.

ائتلاف کوچلری ، ایریم بیر بیانات آرقه لی ، اوشبو طالبلر قوماندانی ، ناوه اولوسوالیگی نینگ قوماندان لیگی نی قولگه کیلتیریش اوچون ، پاکستاندن ینگی کیلگنی نی هم ایتگن.

بوندن آلدین ، طالبان گروهی نینگ ناوه ده گی قوماندانی ، جاری میلادی ییل اکتوبر آیی نینگ 18 نچی سیده ، ائتلاف کوچلری تمانیدن اوشلب آلینگن ایدی.

هلمند ولایتی نینگ نهر سراج منطقه سیده ینگی عملیات باشلنیشی همده ناوه الوسوالیگیده گی طالبلر قوماندانی نینگ اوشلب آلینیشی شونده ی بیر حالتده ترقه تیلگن کیم قندهار ولایتی ده هم افغان و خلق ارا کوچلری تمانیدن ، یولگه قوییلگن کینگ عملیات نینگ جریانی بار.

طالب لر ، هلمند و قندهار ولایت لریده ، نفوذ لری نینگ سقله ش اوچون سعی و حرکت قیلماقده لر.

قندهار ، طالبان گروهی نینگ زمانیده ، سنتی و اصلی مرکز لریدن حسابلنه دی.

همده هلمند ولایتی ، مخدره ماده لر نینگ چیقریشیده افغانستان بویلب اینگه کتته مرکز لریدن حسابلنه دی.

افغان رسمیلریگه کوره ، طالبان گروهی هر ییلی یوز لب ملیون دالر تریاک محصولاتی دن قولگه کیلتیریه دیلر.

عین حالده ، طالبان گروهی تمانیدن خارجی و ایچکی کوچلری نینگ قرشی سیده یولگه قویاتگن عملیات لر هزینه سی مخدره ماده لر نینگ تجارتی دن تامین بولیشی ایتیله دی.