افغانستان زراعتی بولیمیده امریکا یاردمی دوام تارته دی

افغانستان و امریکا رسمیلری ، مملکت نینگ زراعتی بولیمی یخشی شکلده قنده ی رواجلنتیریشی خصوصیده بوگون بیر یغین اوتکزدیلر افغانستان حکومتی ، مملکت زراعتی بولیمی نینگ رواجلنتیریشی اوچون ، امریکا نینگ اوزین مدت لی یاردمی نی ایسته گن. شونده ی بیر حالتده ، امریکا قوشمه ایالت لری ، افغانستان زراعتی اداره لری نینگ ظرفیتی نی کوچه یتیریش اوچون ، 38 ملیون دالر یاردم بیریشی نی ایتگن. رسمیلرگه کوره ، افغانستان زراعتی برنامه لری نینگ تطبیق قیلیش اوچون ، اوچ ملیارد دالر کیره ک اما خلق ارا هم جمعیت مملکت لر اشبو مبلغ دن فقط گینه بیر ملیارد دالر یاردم بیریش نی تعهد بیرگن. افغانستان نینگ یوزلب زراعتی مسوول لری همده زراعتی بیرقنچه امریکالیک متخصص لری ، کابل کنفرانسیده زراعت بولیمیده بیریلگن تعهد لرنینگ عملی بولیش اوچون قنده ی زمینه لر یره تیلیشی خصوصیده بیر یغین اوتکزدیلر. اوشبو یغینده ، مملکت زراعت وزیری محمد آصف رحیمی ، زراعتی ییرلرده سو ییتکزیش زمانوی سیستم یوق لیگی ، اوتلاق زار همده مملکت ایریم منطقه لریده اورمان لر نینگ کیسیشی نی مملکت زراعتی نینگ اینگ مهم قیین چیلیک لریدن دیشیب ، کیله سی تورت ییل گه چه ، ایریم برنامه لر نینگ عملی قیلیشی آرقه لی اوشبو قیینچلیک لرنینگ حل ایتیشیلیشی دن خبر بیردی. محمد آصف رحیمی بو خصوصده بونده ی دیدی: "بیز گه ایکیلمه گن میلیون لب هکتار ییر بار ، عین حالده ، سو ییمیز هم انچه کوب همه سی سرحد دن چیقیب کیته دی . بیز امریکا قوشمه ایالت لریدن ، ، بیرینچی دن ، ایکیلمه گن ییرلرنی ، ایکیشگه تیار قیلیشی نی ایسته یمیز." باشقه تماندن ، امریکا قوشمه ایالت لری ایسه ، افغانستان دهقان لریده ایریم زراعتی یاردم لرایکزیشی نی خصوصیده سوز یوروته دی. امریکا زراعت وزیرلیگی نینگ اورین باسری خانم دارسی ویتر بونده ی دیدی: " بیز ایریم عرصه لر ده اینیقسه ، زمانوی زراعتی اسباب اسکونه لر و غله جات نینگ افغانستان دهقان لریگه یاردم بیره میز. همده بیز زراعتی محصول لرنینگ خارجی بازار لرده یول تاپیشی خصوصیده افغان دهقان لریگه یاردم بیره میز. همده بیز افغانستان زراعت و چارواچیلیک وزیرلیگیگه ، خلق گه ایش زمینه لری نینگ یره تیش اوچون طبیعی منبع لر نینگ تنظیم قیلیش یول لریدن یاردمی میزده دوام بیره میز." شونده ی بیرحالتده ، افغان دهقان لر ایسه ، دولت تمانیدن ، یاردم کیلگنی نی رد قیلمه ی دیلر اما اوشبو زراعتی یاردم لر دهقان لرده ایترلی ایمس لیگیگه تاکید قیله دیلر. افغانستان خلقی نینگ قریب 80 فایزی زراعت بیلن شغلنه دی . هرچند حکومت رسمیلری ، زراعت بولیمیده یخشی موفقیت لرده ییره شیش لری نی ایتسه لرده هم اما بیر قطار ایش بیلرمان لر ایسه ، مملکت نینگ ناقرار ولایت لریده ، امنیتی تامین بولگن منطقه لردن کوره ، دولت تمانیدن کوپراق کوز قره تیلگنی نی ایتیب ، تنقید آستیگه آله دیلر.