کرزی ، اروپا امنیت و همکارلیک تشکیلاتی نینگ یغینیده قتنه شیشیگه کیتدی

Image caption کرزی جنابلری اوشبو یغینده تروریزم بیلن قرشی کوره شیش اوچون همکارلیک لرنینگ کینگه یشی اوستیگه تاکید قیلیشی کوتیلماقده

افغانستان جمهور رییسی حامد کرزی ، اروپا نینگ امنیت و همکارلیک تشکیلاتی باشلیغ لری نینگ ییتینچی یغینیده ، قزاقستان پایتختی ، آستانه گه کیتگن. به دور اروپا امنیت و همکارلیک تشکیلاتی نینگ یغینی قزاقستان باشچیلیغی بیلن چهار شنبه و پنچشنبه کونلری یولگه قوییله دی. اوشبو یغینده ، امنیتی و منطقه وی همکارلیک لر نینگ کینگه یتیریشی انچه مهم بولگن بحث لردن ایتیلگن. اروپا امنیت و همکارلیک تشکیلاتیده اروپا ده گی 56 اولکه بیلن قوشیمچه ، قفقاز ، اورته آسیا و شمالی امریکا کبی اولکه لر نینگ عضویت لری بار. اوشبو تشکیلات نینگ مقصدی ، تسلیحات نینگ کنترول قیلیش ، بشر حق و حقوق لریدن حمایت ایتیش ، مطبوعات ایرکین لیگی همده شفاف شکلیده سیلاولر نینگ یولگه قویش دیر. افغانستان 2003 نچی میلادی ییل دن بویان بو تشکیلات نینگ یاردمچی صفتیده ، رابطه قورگن. افغانستان جمهور لیک ریاستی سرای گه گوره ، کرزی جنابلری اوشبو تشکیلات یغینی نینگ بیرینچی کونیده ، سوز یوروته دی. افغانستان جمهور رییسی ، تروریزم و مخدره ماده لر نینگ قاچاقی بیلن قرشی کوره شیش اوچون همکارلیک لر نینگ کینگه یشی اوستیگه تاکید قیلیب همده اقتصادی همکارلیک لر نینگ کینگه یشی خصوصیده گپله شیشی کوتیلماقده. جمهورلیک ریاستی سرای نینگ ترقه تگن بیاناتیده کوره ، کرزی جنابلری ، اوشبو یغینده سوز یوروتیشیدن تشقری ، اروپا امنیت و همکارلیک تشکیلاتیده گی اعضا اولکه لر نینگ بیر قنچه رهبر لری بیلن هم اوچره شه دی. اوشبو بیانات نینگ معلوم قیلیشیچه ، جمهور رییس کرزی ، اوچره شه یاتگن شخصیت لر دن قزاقستان جمهور رییسی نور سلطان نظربایف همده بریتانیا باش وزیری نینگ اورین باسری نیک کلیگ دیر. اوشبو اوچره شو لردن مقصد ، افغانستان و اوشبو اولکه لر آره سیده گی مناسبت لری نینگ کینگه یشی ایتیلگن. اروپا امنیت و همکارلیک تشکیلاتی نینگ ییتینچی یغینیده ، اوشبو تشکیلاتده عضو بولگن اولکه لر نینگ رهبر لری ، اوشبو تشکیلاتده همکار صفتیده بولگن اون ایککی اولکه رهبر لری قوشیمچه ، خلق ارا 70 تشکیلات نینگ باشلیغ لر و نماینده لری قتنه شیش لری ایتیلگن. افغانستان جمهور رییسی حامد کرزی ، تشقی ایشلر وزیری زلمی رسول همده ملی امنیت کینگاشی نینگ رییسی رنگین دادفر سپنتا اوشبو سفرده کیتگن لر.