ویکی لیکس افغانستان ده کی بریتانیا کوچلریگه قرشی تنقیدلرنی فاش ایتدی

افغانستانده کی بریتانیا لیک قوشونلر
Image caption جمهور رئیس کرزی نینگ 2006 نچی ییلده بریتانیالیک کوچلر هلمندگه ایتیب کیلیشیدن کیین هلمند ولایتیده کی خوفسیزلیک وضیعتی یمانلشگن دیگن سوزلری اقتباس ایتیلگن ویکیلیکس تمانیدن چاپ ایتیلگن امریکا دیپلوماتیک مخفی حجتلریده

امریکا لیک رسمی حجت لری نینگ ویکی لیکس انترنیت صحیفه سی آرقه لی فاش ایتیلیش سیره سیده اینگ سونگی حجت لر ، بریتانیا لیک کوچلر افغانستانده کی فعالیتلرینی کیسکین تنقید آستیگه آلگن.

دیپلوماتیک ترماغلر ، امریکا و افغان رسمیلری نینگ بریتانیا لیک کوچلر هلمند ده کی وظیفه نی ایپلیه آلمس لیکلری و هلمند ولایتیگه خوفسیزلیک کیلتیریشگه موفق بولمه گن لیکلریگه ایشانیشلرینی کورستگن. حجتلرگه کوره افغانستان جمهور رئیسی حامد کرزی هم اشبو حجتلرگه کوره عینی فکرده بولگن.

اوشبو حجتلرده 2007 نچی ییلیده قوشمه ایالتلرنینگ ناتو کوچلری نینگ باش قوماندانی بولمیش دان مایک نیل نینگ بریتانیا لیکلر هلمند ده انچه بوزمه کارلیک قیلگن دیگنی اقتباس ایتیلگن.

عینی دمده اوشبو حجتلرده کورستیلیشیچه افغانستان دولت باشیده کی رسمیلر بریتانیا لیک کوچلر اورنیگه امریکالیک کوچلر نینگ هلمند ولایتیگه یوباریلیشینی طلب ایتگن.

اما اوشبو فکرلر 2008 نچی ییلده اظهار ایتیلگن- یعنی 10 مینگ نفر بریتانیالیک عسکلر هلمند ولایتی نینگ نظارتینی قولگه آلیشگه حرکت قیله یاتکن بیر پیتده. حاضر ایسه عینی ایشنی 20 مینگ امریکالیک دینگیز کوچلری بجرماقده.

بوندن ایککی ییل مقدم ، بریتانیالیک کوچلریگه تاپشیریلگن وظیفه نی بجریش اوچون ایترلیچه بریتاینالیک قوشونلر بولمه گن.

یینه آچیق بیر تنقدی فکر ده ، بو مرته اوتکن ییلی قید ایتیلگن بیر حجت ده ، هلمند حاکمی قوشمه ایالتلر جمهور رئیس معاونی جوی بایدن گه ،بریتانیالیک کوچلر خوفسیزلیکنی ، ناقرار سنگین تومنی نینگ بازاریگه چه هم ایتکیزیشگه قادر بوله آلمه گن دیب ایئتگن. حاکم گه کوره ، بریتانیا لیک لر قورگن حربی قرارگاه لریگه بیرکیلیب قالیشگن و تشقری بیلن ایشلری یوق.

حاضر امریکالیک دینگیز کوچلری سنگین تومنی نینگ مسئولیتینی آلگنلر و اولر هم بریتانیالیک کوچلر دوچ کیلگن کوپ گینه معما لر بیلن دوچ کیلیشماقده. امریکالیک کوچلر نینگ بیر بولینمه سی ، 30 کون اثناسیده ، 7 فایز تلفات بیرگن.

جمهور رئیس کرزی نینگ 2006 نچی ییلده بریتانیالیک کوچلر هلمندگه ایتیب کیلیشیدن کیین هلمند ولایتیده کی خوفسیزلیک وضیعتی یمانلشگن دیگن سوزلری اقتباس ایتیلگن ویکیلیکس تمانیدن چاپ ایتیلگن امریکا دیپلوماتیک مخفی حجتلریده

اوننیگ ایئتیشیچه آلدین حتا قیزلر مکتبگه باریشیگه قادر ایدی. ایندی ایسه بریتانیالیک کوچلر جایلشگنیدن کیین اهالی اوزینی خوفسیز حس قیلمیدی.

هر چند بریتانیا حکومتی بو خلاصه نی قبول قیلمیدی. و بریتانیا مدافعه وزیرلیگی ، بریتانیالیک کوچلر نینگ قوشگن حصه لری عنابت گه الینگن دیب ایئتگن.

ما ایریم بریتانیا لیک حربیلر نینگ خاللص فکرلریده اوشبو توشینچه گه قسمن قوشیله دی و اولر گه کوره ، بریتانیالیک کوچلر نینگ هلمند ولایتیگه باریشی زوروانلیکلر نینگ کوپه ییشیگه سبب بولدی.

یینه حربیلردن بیری کابلده کی بی بی سی مخبری گه ، بیرینچی هلمند ولایتیگه بارگن لریده ، اوشبو ولایتیده کی قانون سیزلیک ف،مخدر ماده لر قاچقاغی ، عمومی جنایتچیلیک ، و بولر گه قوشیمچه عصیانچیلیککه قره گنده مذکور ولایت نینگ هیچ قچان تینچ بولمسلیگیگه ایشانگنینی ایئتگن.

هر چند بریتانیا لیک کوچلر عراق ننیگ بصره شهریده هم شیعه قوراللیلر تمانیدن کوپ گینه معما لر گه دوچ کیلگن و امریکالیک لر نینگ تنقید لری استیده قالگن ایدی. اما افغانستان عراق ایمس و بریتاینالیک کوچلر اوشبو عملیاتده ییریک رول اوینه گن.

نیمه بولگنده کوپ گینه حربیلر نینگ فکریچه هلمند ولایتی نفقط بریتاینالیک لر اوچون بلکه امریکالیک لر و یا حتا افغان کوچلری هم یوباریلسه ، قانلی ولایت بولیب قالیشی ممکن.